जनकपुरधाम । सिरहाको लहानमा कोठामा बोलाएर बलात्कार गरेको आरोपमा एक किशोर पक्राउ परेका छन् ।
लहान नगरपालिका २ मा ‘भ्यालेन्टाइन डे’ मनाउने भन्दै १५ वर्षीया नाबालिगलाई कोठामा बोलाएर बलात्कार गरेको आराोपमा १८ वर्षीय निकेश यादव पक्राउ परेका हुन् ।
बुधवार दिउँसो अरुणले कोठामा बोलाई बालिकामाथि बलात्कार गरेको सिरहाका प्रहरी प्रवक्ता डिएसपी रविन्द्रराज पाण्डेले जानकारी दिए । पीडित परिवारले घटनाबारे प्रहरीलाई राति १२ बजे जानकारी गराएको थियो । लगत्तै प्रहरीले आरोपीलाई नियन्त्रणमा लिएको हो।
बलात्कृत बालिकाको अवस्था गम्भीर रहेको छ । अत्यधिक रक्तश्राव भएर बेहोस भएकी उनलाई बुधवार साँझ उपचारका लागि प्रादेशिक अस्पताल लहान लगिएको थियो । प्रादेशिक अस्पतालले त्यहाँ उपचार सम्भव नभएपछि उनलाई विराटनगरस्थित नोबेल हस्पिटल लगिएको छ ।
घटनाबारे थप अनुसन्धान भईरहेको प्रहरी प्रवक्ता पाण्डेले बताए ।
