काठमाडौँ । नेपाली सुनचाँदी बजारमा आज सुनको मूल्य घटेको छ । मंगलबार सुनको मूल्य प्रतितोला तीन सय रूपैयाँ घटेको हो ।
आज छापावाल सुन प्रतितोला एक लाख १७ हजार सात सय रूपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । सोमबार उक्त सुन प्रतितोला एक लाख १८ हजार रूपैयाँमा कारोबार भएको थियो ।
यस्तै, आज तेजाबी सुन प्रतितोला एक लाख १७ हजार एक सय ५० रूपैयाँमा कारोबार भइरहेको छ । हिजो तेजाबी सुन प्रतितोला एक लाख १७ हजार चार सय ५० रूपैयाँमा कारोबार भएको थियो ।
त्यसैगरी, मंगलबार चाँदीको मूल्य भने स्थिर रहेको छ । आज चाँदी सोमबार कै मूल्यमा यथावत रहि प्रतितोला १३ सय ९५ रूपैयाँमा कारोबार भईरहेको महासंघले ज नाएको छ ।
