• २९ असार २०८१, शनिबार
  •      Sat Jul 13 2024
  •   Unicode
Logo
Latest
★   त्रिशूलीमा बेपत्ता तीन जनाको शव फेला ★   सूचना प्रविधि क्षेत्रको विकासलाई सरकारले प्राथमिकतामा राख्नुपर्छ:अध्यक्ष ढकाल ★   स्रष्टाले सम्झिए आदिकवि ★   प्रहरी जवानको परीक्षा दिँदै गरेका छ नक्कली परीक्षार्थी पक्राउ ★   चाइना निर्माण कम्पनीसँगको समन्वयमा पूर्वपश्चिम राजमार्गका खाल्डाखुल्डी पुर्दै ट्राफिक प्रहरी ★   पशुपति क्षेत्रमा गङ्गामाई रथयात्रा ★   नारायणीमा दुईवटा शव फेला ★   ओली सरकारमा लोसपा सहभागी हुने, मन्त्री छान्ने जिम्मा अध्यक्ष ठाकुरलाई ★   आइतबारका लागि निर्धारित प्रतिनिधिसभाको बैठक सोमबार सर्यो ★   एमाले अध्यक्ष ओली आइतबार चौंथोपटक प्रधानमन्त्री बन्दै !

माधव नेपालले अब जिन्दगीमा कहिल्यै चुनाव जित्दैनन् – अध्यक्ष ओली



काठमाडौँ । नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले एकीकृत समाजवादीका अध्यक्ष माधवकुमार नेपालले जिन्दगीमा कुनैपनि हालतमा अब चुनाव जित्न नसक्ने दाबी गरेका छन् ।

बिहीबार नेकपा एमाले रौतहटको जिल्ला अधिवेशनलाई उद्घाटन गर्दै ओलीले यस्तो टीप्पणी गरेका हुन् । नेकपा एसका अध्यक्ष नेपालले पटक–पटक मधेशलाई धोका दिएको आरोप लगाउँदै ओलीले अब कुनैपनि हालतमा जनताले भोट दिएर चुनाव जिताउन नहुने बताए ।

‘त्यतिबेला थाहा पाउनेछन् जब गठबन्धनले लात हान्छ । अब अर्कोपल्ट माधव नेपालले चुनाव पनि जित्दैनन् । उताका पैसा ल्याएर, कुनै हिसाबले पनि जित्दैनन् । जित्न पनि दिनुहुन्न ।’ ओलीले भने ।

अध्यक्ष ओलीले नेपाललाई प्रधानमन्त्री, उपप्रधानमन्त्री सबै बनाएको तर दुई तिहाइको पार्टी फोड्ने, सरकार ढाल्ने र कांग्रेसको पाउमा लगेर सरकार बुझाउने काम गरेको भन्दै उनको आलोचना समेत गरे ।

रौतहट एसका अध्यक्ष तथा पूर्व प्रधानमन्त्रीसमेत रहेका माधव नेपालको गृहजिल्ला हो । ओलीलाई रौतहटमा कार्यकर्ताले १०१ किलोको मालाले स्वागत गरेका थिए । पार्टी विभाजनपछि ओली पहिलो पटक रौतहट पुगेका हुन् ।