काठमाडौं । आयोजक द एक्सेल्सियर स्कुल ‘नीलो’ र काष्ठमण्डप १० औं एक्सेल्सियर कपअन्तर्गत सिनियर गल्र्स बास्केटबलमा बिहीबार क्वाटरफाइनलमा प्रवेश गरेका छन् ।
स्वयम्भूस्थित घरेलु कोर्टमा एक्सेल्सियर ‘नीलो’ ले संस्कृतिलाई २१–१२ ले पराजित गर्यो । विजेताकी अकिना घिमिरेले १२ अंक जोडिन् । काष्ठमण्डपले एक्सेल्सियर ‘रातो’ लाई १७–२ ले हरायो । विजयी टिमका लागि रिया राईले ६ स्कोर गरिन् । सिनियर गल्र्समै न्यु जेनिथले ल्यान्डमार्कमाथि २०–११ को जित दर्ता गर्दै क्वाटरफाइनलमा स्थान सुरक्षित गर्यो । न्यु जेनिथकी राइसाले ८ अंक बटुलिन् ।
सिनियर ब्वाइजमा ग्रिनफिल्डले होली भिजनलाई ४२–२४, पुष्पसदनले टीआईएलाई ५३–३२ र जेनिथले एक्सेल्सियरलाई ४१–१८ ले पाखा लगाउदै क्वाटरफाइनलमा स्थान पक्का गरे । ग्रिनफिल्डका अर्जुन बस्नेतले १८, पुष्पसदनका कृष ओलीले १३ र जेनिथका सागर श्रेष्ठले २० स्कोर गरे ।
ब्वाइज फुटसल :
द एक्सेल्सियर कपअन्तर्गत ब्वाइज फुटसलको यु–१३ मा एलआरआईले एक्सेल्सियरलाई ३–०, एक्सेल्सियर ‘नीलो’ ले जोन डेवीलाई २–० र बोधीसत्वलाई १–०, द चाँदबागले जोन डेवीलाई २–० तथा सेक्रेड हार्टले राई स्कुललाई २–० गोलले पराजित गरे ।
यु–१२ मा एलआरआईले स्वस्तिश्री गुरुकुललाई २–०, एक्सेल्सियर ‘नीलो’ ले जोन डेवीलाई २–१, मोर्डन इन्दियन स्कुलले न्यु जेनिथलाई १–०, बृहस्पति विद्या सदनले एक्सेल्सियर ‘पहेलो’ लाई २–०, चाँदबागले राई स्कुललाई २–० र रिब्सले एक्सेल्सियर ‘पहेलो’ लाई २–० गोलले हराए ।
