एजेन्सी । हामी सबैले जन्मदिन मनाउन केक काट्ने गर्छौँ । केकमाथि मैनबत्ती बाल्ने र त्यसलाई फुकेर निभाउँने गर्छौँ । यो प्रवृत्ति वर्षौंदेखि चलिआएको चलन हो । , तर के तपाईंले कहिल्यै सोच्नुभएको छ कि यो कसले सुरु गर्यो?
केकमा मैनबत्ती बालेर त्यसलाई निभाउने परम्परा सबैभन्दा पहिले प्राचीन सभ्यताको देश ग्रीसमा सुरु भएको थियो । शताब्दीयौं अघि यस देशका मानिसहरू केकमा बालिएको मैनबत्ती बोकेर आ-आफ्नो प्रार्थना गर्ने स्थानमा जाने गर्दथे। त्यहाँ गएपछि मात्रै यहाँका मानिसले केक काट्ने गर्थे र त्यसअघि मैनबत्ती पनि निभाउँथे ।
ग्रीसका मानिसहरू मैनबत्तीबाट निस्कने धुवाँ ईश्वरसम्म पुग्छ भन्ने विश्वास गर्थे। त्यसैले यहाँका जनताले यो चलन सुरु गरेका थिए ।
केकमा राखिएको पहिलो मैनबत्ती सन् १७४६ मा ग्रीसमा भएको भनिन्छ । त्यस दिन एक महान समाज सुधारकको जन्मदिन रहेको बताईन्छ । यस दिनदेखि नै यहाँ केक काट्नुअघि मैनबत्ती निभाउने काम सुरु भएको हो ।
हिन्दु परम्पराअनुसार भने शुभ पर्व या कार्यको समयमा दियो बाल्ने गरिन्छ । दियो या अग्नी जलाउदा व्यक्तिमा सात्विक गुणहरू उत्पन्न हुने जनविश्वास छ । आगोले नराम्रो नजर र भयंकर क्रोधलाई शान्त पार्ने बताईन्छ । जन्मदिन पनि शुभ कार्य भएकोले भगवानको अगाडि दियो बाल्नु या होम गर्नुलाई शुभ मानिन्छ । यद्यपी, दियो या अग्निलाई फुकेर निभाउनुलाई भने अशुभ मानिन्छ ।
हिन्दु परम्पराअनुसार दियो निभाउनु अशुभ मानिने भएकाले यहाँ पश्चिमापरम्पराअनुसार केकमा मैनबत्ति निभाएर जन्मदिन मनाउन थालिएको हो ।
