एजेन्सी । भगवान श्रीरामको स्वागतका लागि अयोध्या शहर तयार छ । लामो प्रतिक्षापछि आज रामलल्लाको मूर्तिलाई अभिषेक गरिएको छ ।
राजनीति र व्यापार जगतका सबै ठूला व्यक्तित्वहरू श्रीरामको नगरी पुगेका छन् । उनीहरु बाहेक बलिउड र साउथ इन्डस्ट्रीका धेरै स्टारहरु पनि अयोध्या पुगेका छन् ।
तस्बिरमा हेर्नुस् स्टारहरुः
प्राण प्रतिष्ठा समारोहमा विक्की कौशल र कट्रिना कैफ सुन्दर देखिएका छन् । कट्रिना सुनौलो रंगको साडीमा देखिएकी थिइन् भने विक्की कौशलले सेतो रंगको कुर्ता पजामा लगाएका छन् ।
कार्यक्रममा साउथ सुपरस्टार रजनीकान्त पनि पुगेका छन् । अभिनेता श्री रामजन्मभूमि मन्दिर परिसरमा प्राण प्रतिष्ठामा सहभागी हुन पुगेका हुन् । उनी बाहेक साउथ सुपरस्टार रामचरण पनि देखिएका छन् ।
कार्यक्रममा सहभागी हुन ‘तारक मेहता का उल्टा चश्मा’ नायक शैलेश लोढा पनि पुगेका छन् । उनी अभिषेक समारोहमा सहभागी हुन कारमा गएका थिए । यस्तै, अभिनेत्री कंगना रनावत पनि समारोहमा पुगेका छन् । उनी सुन्दर देखिएकी छन् । चर्चित गायक हरिहरन पनि अयोध्या पुगेका छन् । बिस्तारै सबै स्टारहरु कार्यक्रम स्थलमा पुगेका छन् ।
अमिताभ बच्चन र अभिषेक बच्चन पनि अयोध्या धाम पुगिसकेका छन् र दुबै स्टार पनि कार्यक्रम स्थलमा पुगेका छन् । दुबैको तस्बिर श्री राम मन्दिर परिसरबाट बाहिर आएको छ । तस्विरमा बिग बी र जुनियर बच्चन कुर्ता–पाजामा लगाएको देख्न सकिन्छ ।
सोनु निगम अयोध्याको रामलला प्राण प्रतिष्ठा समारोहमा परम्परागत पोशाकमा पुगेका थिए । सोनु निगमले आजको शुभदिनमा चौपैँयान गाएका छन्, जसलाई सुनेर त्यहाँ उपस्थित सबै रामभक्तहरू भक्तिमा डुबेका छन् । राम मन्दिर प्राण प्रतिष्ठा कार्यक्रममा गायक सोनु निगमले ‘राम सिया राम’ भजन प्रस्तुत गरेका थिए । उनी बाहेक शंकर महादेवनले पनि प्रस्तुति दिएका थिए । कार्यक्रममा अभिनेता आयुष्मान खुराना पनि सहभागी भएका छन् ।
