एजेन्सी । अयोध्याको राम मन्दिरमा रामललाको प्राण प्रतिष्ठाको प्रक्रिया सुरु भएको छ । प्रधानमन्त्री नरेन्द्र मोदी मन्दिरको गर्भगृहमा पुगेका छन् । उनले प्राण(प्रतिष्ठा पूजा गर्ने प्रतिज्ञा गरे । अहिले पुजा सुरु भएको छ ।
बिहान रामललालाई मन्त्रजप गरेर ब्यूँझाइएको थियो । यसपछि वैदिक मन्त्रका साथ आह्वान भयो । शंखसहित ५० भन्दा बढी वाद्य यन्त्रको मङ्गल धुनका साथ बिहान १० बजेदेखि प्राणप्रतिष्ठा कार्यक्रम सुरु भएको हो ।
अहिले गर्भगृहमा मूर्तिको पूजा आराधना भइरहेको छ । यज्ञशालामा हवन पनि चलिरहेको छ । प्राणप्रतिष्ठाको मुख्य अनुष्ठान दिउँसो १२ः२९ बजे (भारतीय समय) सुरु हुनेछ जुन ८४ सेकेन्डसम्म चल्नेछ । यी ८४ सेकेन्डमा मात्र मूर्तिलाई जीवन्त बनाइनेछ ।
यस पर्वमा गरिने वैदिक अनुष्ठान तथा शुभ अनुष्ठान १६ तारिखदेखि सुरु भएको थियो । पहिलो दिन प्रयासचित्त होम अर्थात् शुद्धिको प्रक्रिया भयो । त्यसपछि कलश पूजा र मूर्तिको शोभायात्रा भई मूर्ति परिसरमा प्रवेश गरेको थियो । यात्रा, तीर्थयात्रा र अधिवासहरू भए ।
मूर्तिको पवित्रता र शक्ति बढाउनका लागि मूर्तिलाई पानी, घिउ, औषधि, केसर, मह, फलफूल, अन्न र सुगन्धित वस्तुमा राखिएको थियो । यसलाई अधिवास भनिन्छ । त्यसपछि २० जनवरीमा श्रीराम लल्लाको स्थापना भयो ।
