७ फाल्गुन २०८१, बुधबार
February 19, 2025 Wednesday

18.27°C

काठमाडौं

18.27°C

Kathmandu

Feels-like: 17.41

Wind: 2.06

Humidity: 48

Latest
यसरी मनाइयो टुँडिखेलमा ७५औं प्रजातन्त्र दिवस – फोटोफिचर च्याम्पियन्स ट्रफी आजदेखि, पहिलो खेलमा पाकिस्तान र न्युजिल्याण्ड भिड्दै माओवादी सरकार बनाउने र गिराउने दाउमा छैन: उपाध्यक्ष श्रेष्ठ सुनको मूल्य नयाँ रेकर्ड नजिक, कतिमा हुँदैछ कारोबार? जनताको अवस्था बदल्न एकताबद्ध प्रयास गरौँः अध्यक्ष दाहाल ओशो सन्यासी बनिन् शिल्पा पोखरेल एकीकृत समाजवादीको स्थायी कमिटी बैठक जारी आम जीवनशैलीलाई लोकतान्त्रिक आचरणमा ढाल्न सक्दा मात्र प्रजातन्त्र दिवसको सार्थकता: मुख्यमन्त्री आचार्य यस्तो छ आजको तरकारी तथा फलफूलको थोक मूल्य बागमती प्रदेश प्रमुखद्वारा प्रजातन्त्र दिवसको शुभकामना
तपाईं के खोज्दै हुनुहुन्छ ?

नेपाल समूहले बोलायो राष्ट्रिय कार्यकर्ता भेला



अ+ अ-

काठमाडौं । नेपाल कम्युनिष्ट पार्टी(एमाले) माधव नेपाल समुहले चैत्र ४ र ५ गते राष्ट्रिय कार्यकर्ता भेला गर्ने भएको छ ।

शनिबार नेकपा(एमाले) माधव नेपाल समुहको केन्द्रीय कमिटी सदस्य र सांसदहरुको भेलाले चैत्र ४ र ५ गते राष्ट्रिय कार्यकर्ता भेला गर्ने निर्णय गरेको हो । कार्यकर्ता भेलामा केन्द्रीय कमिटी र केन्द्रीय निकायका सदस्यहरु, संघीय र प्रदेश सांसदहरु, जिल्ला कमिटीका पदाधिकारीहरु, प्रदेश कमिटीका पदाधिकारी र सदस्यहरु, पालिकाहरुमा निर्वाचित प्रमुख, उपप्रमुख, अध्यक्ष र उपाध्यक्ष, पालिकाका पार्टी कमिटीका पदाधिकारीहरु, जनवर्गिय संगठनका केन्द्रीय कमिटी सदस्यहरु, प्रदेश पदाधिकारीहरु केन्द्रीय विभागका सदस्यहरु र जिल्ला अध्यक्षहरु उपस्थित हुने नेकपा(एमाले) माधव समुहका नेता भिम रावलले जानकारी दिनुभयो । राष्ट्रिय भेलाले महत्वपूर्ण निर्णय गर्ने उहाँको भनाई छ । शनिबारको भेलाले प्रधानमन्त्री ओलीले नेकपा(एमाले)लाई फुटाउने गरी शुक्रबार जिम्मेवारी हेरफेर सम्बन्धी निर्णय गरिएको भन्दै त्यसलाई अस्वीकार गर्ने निर्णय गरेको पनि नेता रावलले जानकारी दिनुभयो । प्रधानमन्त्री ओलीले गरेको निर्णय विधान र नियमावली विपरित रहेको उहाँले बताउनुभयो । उहाँले भन्नुभयो – ‘यो भेलाबाट हामीले नेकपा(एमाले) को एकतालाई टुटाउने, पार्टी फुटाउने गरी जसरी पार्टीका अध्यक्ष रहनुभएका केपी शर्मा ओलीले बालुवाटारमा हिजो आफ्नो गुटको भेला गरेर जुन प्रकारको निर्णय गर्नुभएको छ, त्यसलाई हामीले अस्वीकार गरेका छौँ । त्यसको र्भत्सना गरेका छौँ । त्यसको निन्दा गरेका छौँ । नेकपा(एमाले) को विधान विपरित, नियमावली विपरित, यसको प्रणाली विपरित र यसको कार्यशैली विपरित जसरी काम गर्नुभयो । त्यो अत्यन्त आपत्तिजनक छ, अवैध र उहाँले जुन प्रकारले घोषणा गर्नुभयो त्यो हाँस्यास्पद पनि छ । यसले कुनै विधि, प्रणाली, प्रक्रियाको अवलम्बन गरेको छैन र त्यो बैठक बारेमा केन्द्रीय कमिटीका पदाधिकारीहरु, सदस्यहरुलाई जनकारी पनि गराइएको छैन ।’

नेता रावलले सर्वोच्च अदालतको फैसला र पार्टीको विधान विपरित अवैध तरिकाले माओवादी(केन्द्र)का नेताहरुलाई एमालेमा मनोनित गरिएको पनि बताउनुभयो । उहाँले भन्नुभयो – ‘अझ हास्यास्पद कुरा त के छ भने उहाँले त्यो बैठकबाट सर्वोच्च अदालतको फैसला विपरित अर्को पार्टी नेकपा(माओवादी केन्द्र)मा रहेका व्यक्तिहरुलाई नेकपा(एमाले)मा मनोनयन गरे भनेर अर्को अवैध र हास्यास्पद निर्णय गर्नुभएको छ । हाम्रो पार्टीको विधान अनुरुप कुनैपनि व्यक्ति केन्द्रीय कमिटीमा आउनका लागि वा मनोनयन गर्नका लागि स्पष्ट व्यवस्था गरिएको छ । थप सदस्य मनोनयन गर्ने अधिकार छैन । जानकारी नगराईएको बैठक, बहुमत नपुगेको बैठकको निर्णय अवैध छ । विधि, प्रणाली विपरित छन् । अमान्य छन् ।’

माधव समुहको भेलाले केही नेताहरुलाई जिम्मेवारी समेत दिएको छ । प्रदेश नं. १ को इन्चार्जमा भीम आचार्य, प्रदेश नं. २ मा घनश्याम भुसाल, बागमती प्रदेशमा अष्टलक्ष्मी शाक्य, गण्डकी प्रदेशमा सुरेन्द्र पाण्डे, लुम्बिनी र कर्णाली प्रदेशमा युवराज ज्ञवाली र सुदूरपश्चिम प्रदेशको ईन्चार्जमा भीम रावललाई जिम्मेवारी दिइएको छ । त्यसैगरी रघुजी पन्तलाई युवा, गोकर्ण विष्टलाई विद्यार्थी, प्रमेश हमाललाई बुद्धिजीवी र योगेश भट्टराईले प्रचार विभाग प्रमुखको जिम्मेवारी दिइएको छ ।