काठमाडौं । प्रधानमन्त्री कप एकदिवसीय राष्ट्रिय प्रतियोगितामा ओपनर आशुतोष घिरैयाको शतकमा बागमती प्रदेशले कोशी प्रदेशलाई २ सय ७४ रनको लक्ष्य दिएको छ ।
टियु क्रिकेट मैदानमा टस हारेर ब्याटिङको निम्तो पाएको बागमतीले ४८.३ ओभरमा अलआउट हुँदै २ सय ७३ रन जोड्यो ।
बागमतीको लागि आक्रामक ब्याटिङ गर्दै आशुतोषले शतकिय ईनिङ खेले । आशुतोषले १ सय ११ बलमा १६ चौका र २ छक्का प्रहार गर्दै १ सय १८ रन जोडे । यससँगै आशुतोष बागमती प्रदेशबाट शतक प्रहार गर्ने दोस्रो खेलाडी बनेका छन् । यसअघि ज्ञानेन्द्र मल्लले २०१९ संस्करणमा शतक प्रहार गरेका थिए । उनको करीयरको भने यो पहिलो शतक हो । जारी प्रतियोगितामा भने यो पाँचौ शतक हो ।
बागमतीका लागि विकेटकिपर रविन जोशीले ४३ र रितले ४९ रन बनाए । कोशीका लागि अभ्यास तिम्सिनाले ३ विकेट लिए । कमल खत्री र हेमन्त राईले २(२ तथा फिर्दोश अन्सारीले १ विकेट लिए ।
