एजेन्सी । अष्ट्रेलियाले वेस्ट इन्डिजविरुद्ध जारी पहिलो टेस्टको तेस्रो दिन १० विकेटले जितेको छ । वेस्ट इन्डिजले दिएको २६ रनको लक्ष्य अष्ट्रेलियाले ६.४ ओभरमा सक्काउदै दुई खेलको शृङ्खलामा १–० को अग्रता लिएको हो ।
त्यसअघि तेस्रो दिनको खेल ७३–६ को स्थितिबाट सुरुवात गरेको वेस्ट इन्डिज १ सय २० रनमा अलआउट भएको थियो । जोश डा सिल्भा १८ रन जोड्दै आउट भएपछि वेस्ट इन्डिजले लगातार विकेट गुमाएको थियो । जसमा अष्ट्रेलियाका जोश हेजलवुडले ५ विकेट लिँए । मिचेल स्टार्क र नाथन लायनको नाममा २-२ विकेट लिदा क्यामरन ग्रीनले १ विकेट लिए ।
वेस्टइन्डिजका कर्क म्याकेन्जीले अघिल्लो दिन २६ रन बनाएका थिए। जस्टिन ग्रिभ्स २४ रनमा आउट हुँदा अल्जारी जोसेफले १६ तथा समार जोसेफले १५ रन बनाए ।
अष्ट्रेलिया पहिलो इनिङमा २ सय ८३ रनमा अल आउट भएको थियो । अष्ट्रेलियाको लागि ट्रविस हेडले १ सय १९ रनको शतकीय इनिङ खेले । उनले १ सय ३४ बलमा १२ चौका र ३ छक्का प्रहार गरे । ओपनर उस्मान खवाजा ४५, स्टिभ स्मिथ १२, मार्नस लाबुसेन १०, क्यामरन ग्रीन १४, एलेक्स केरी १५ र मिचेल मार्शले ५ रनबनाए ।
वेस्टइन्डिजका शामर जोशेफले ५ विकेट लिए । केमार रोच र जस्टिन ग्रेभ्सले २–२ विकेट लिए ।
त्यसअघि एडिलेड ओभलमा टस हारेर पहिला ब्याटिङको निम्तो पाएको वेस्टइन्डिज १ सय ८८ रनमा अल आउट भएको थियो । वेस्टइन्डिजका युवा ब्याटर किर्क म्याकेन्जीले सर्वाधिक ५० रन बनाएका थिए । ओपनर क्रेग ब्रेथवेट १३, तेजनारायण चन्द्रपाउल ६, एलिक एजान्थे १३, अल्जारी जोशेफ १४ र केमार रोचले १७ रन बनाए ।
अष्ट्रेलियाका जोश हेडजलवुड र प्याट कमिन्सले चार चार विकेट लिए । मिचेल स्टार्क र नाथन लायनले १–१ विकेट लिए ।
दोस्रो र अन्तिम टेस्ट ब्रिस्बेनको गाबामा जनवरी २५ देखि सुरु हुनेछ । त्यसपछि दुई टोलीबीच ह्वाईट बल लेग हुनेछ।
