काठमाडौं । बागमती प्रदेशका ओपनर आशुतोष घिरैयाले प्रधानमन्त्री कप एकदिवसीय राष्ट्रिय प्रतियोगितामा कोशी प्रदेशविरुद्ध शानदार शतक बनाएका छन् ।
टियु क्रिकेट मैदानमा आक्रामक ब्याटिङ गर्दै आशुतोषले करिअरको पहिलो शतक पूरा गरेका हुन् ।
उनले ९९ बलमा १३ चौका र २ छक्काको सहयोगमा शतक पूरा गरे ।आशुतोष बागमती प्रदेशबाट शतक प्रहार गर्ने दोस्रो खेलाडी बने। यसअघि ज्ञानेन्द्र मल्लले २०१९ संस्करणमा शतक प्रहार गरेका थिए । जारी प्रतियोगितामा यो पाँचौ शतक पनि हो ।
३० ओभरमा बागमतीले २ विकेट गुमाएर १ सय ७३ रन जोडेको छ ।
