एजेन्सी । संसारमा यस्ता धेरै तानाशाह छन्, जसको कथा आज पनि सुन्न र पढ्न सकिन्छ । आज हामी तपाईलाई संसारको सबैभन्दा क्रूर तानाशाहको बारेमा बताउनेछौं ।
भनिन्छ, यी तानाशाहले आफ्ना शत्रुहरूलाई मारेर उनीहरूको रगत पिउँथे । यी तानाशाहलाई मानिसको मासु खाएको आरोप लगाइएको थियो ताकि उनी सबैको आँखामा डरलाग्दो देखिन सकून् ।
हामी अफ्रिकी देश युगान्डाका तानाशाहको कुरा गर्दैछौं, जसको नाम इदी अमिन थियो । सन् १९२५ मा इदी अमीनको जन्म कुन महिना र मितिमा भएको थियो भन्ने कसैलाई थाहा छैन । इदी अमीन पहिले हेवी वेट बक्सिङ च्याम्पियन थिए । तर, सन् १९७१ मा उनले मिल्टन ओबोटेलाई सत्ताबाट हटाएर सत्ता हातमा लिए । त्यसपछि उनले आठ वर्ष युगान्डामा शासन गरे ।
तानाशाह इदी अमिनले आफ्नो शासनकालमा हजारौं मानिसको हत्या गरेका थिए । उनले आफ्नो आठ वर्षको शासनकालमा करिब ५ लाख मानिसको हत्या गरेको केही मानवअधिकार समूहका प्रतिवेदनले दाबी गरेको छ ।
एक दिन युगाण्डाको शासक तानाशाहले अचानक यस्तो आदेश जारी गरे, जुन युगान्डामा भारतीय मूलका मानिसहरूलाई स्तब्ध बनायो। उनले आफ्नो आदेशमा करिब ८० हजार भारतीय मूलका मानिसले देश छाड्नु पर्ने बताएका थिए ।
यसबाहेक उनले प्रत्येक परिवारलाई दुईवटा सुटकेस र ५० पाउण्ड मात्रै लैजान पाउने अनुमति दिएका थिए । तानाशाहको यो निर्णयले भारतीयमा त्रास पैदा गर्यो । मानिसहरू सबै कुरा छोडेर देश छाडे ।
आठ वर्षको अवधिमा इतिहासमा नभेटिने खालको क्रूरता देखाए । उसलाई मानवताको शत्रु, जन्तु, दानव, मानव भक्षक र अन्य के के भनिन्छ । एक साधारण सेना अधिकारीबाट शक्तिको शिखरमा पुगेका इदी अमिनले क्रूरताका सबै सीमा पार गरिसकेका थिए ।
