अहमदाबादः भारत र इङल्यान्डबीचको तेस्रो टी२० क्रिकेट प्रतियोगितामा इङल्यान्डद्वारा भारत ८ विकेटले पराजित भएको छ ।
मंगलबार साँझ भएको यस खेलमा इङल्यान्डका ब्याट्सम्यान जस बटलरले ५२ बलको सामना गरी ८३ रन बनाएपछि इङल्यान्डले सहजै विजय प्राप्त गरेको हो । उनले ४ छक्का र ५ चौका हिर्काएका थिए ।
भारतले पहिले ब्याटिङ गरी इङल्यान्ड समक्ष जितका लागि १५७ रनको लक्ष्य दिएको थियो ।
भारतका लागि कप्तान विराट कोहलीको ७७ रन बनाएका थिए । एक समय ८६ रन हुँदा पाँच विकेट गुमाएको भारतका लागि कोहली र हार्दिक पान्ड्याले उत्कृष्ट साझेदारी गर्दै टिमको स्कोरलाई चुनौतीपूर्ण बनाएका थिए ।
खेलमा इङल्यान्डका जस बटलरले प्लेयर अफ द म्याचको पुरस्कार प्राप्त गरे ।
यो जितसँगै पाँच खेलको यस टी२० शृंखलामा इङल्यान्डले २–१ ले अग्रता बनाएको छ । एजेन्सी
