काठमाडौं । राष्ट्रिय स्वतन्त्र पार्टी (रास्वपा)ले सामाजिक सञ्जाल प्रयोगमा संवेदनशील नरहेको भन्दै एक कार्यकर्तालाई कारबाही गरेको छ ।
पार्टीको प्रवास नेपाली सम्पर्क विभाग जापान च्युबु शाखा समिति सदस्य दिवस सापकोटाले गौशाला २६ (परिवर्तित नाम) को वास्तविक तस्बिर र नाम सामाजिक सञ्जालमा राखेपछि कारबाहीमा परेका हुन् ।
उनले सामाजिक सञ्जाल एक्समा पोस्ट गर्दै अदालती फैसलासँग जोडेर पीडितप्रति कटाक्ष गरेको पाइएकाले कारबाहीस्वरुप निलम्बन गरिएको रास्वपाले जनाएको छ ।
बुधबार गौशाला–२६ लाई बलात्कार गरेको ठहर गर्दै काठमाडौँ जिल्ला अदालतले क्रिकेटर सन्दीप लामिछानेलाई ८ वर्ष कैद सजाय फैसला गरेको थियो ।
यौनजन्य मुद्दामा उजुरी वा मुद्दा दिने युवतीको नाम र तस्बिर प्रहरीले गोप्य राख्ने गर्छ । पीडितको पहिचान सार्वजनिक गर्नेलाई अपराध पीडित ऐन, गोपनीयता सम्बन्धी ऐन र विद्युतीय अपराधसम्बन्धी विभिन्न दफा अनुसार कैद सजाय हुनसक्छ।
