एजेन्सी । भारतको उज्जैनको एक निजी अस्पतालबाट एउटा अचम्मको घटना बाहिर आएको छ । इन्दौर निवासी २१ वर्षीया युवती आफ्नो परिवारसँग उज्जैनको एक निजी अस्पताल पुगिन् ।
जहाँ चिकित्सकको टोलीले उनको घाँटी मुनि आहार नली नजिक १ रुपैयाँको सिक्का अड्किएको देखे । डाक्टरले शल्यक्रिया गरेर हटाउन सुझाव दिए । चिकित्सकको टोलीले सफलतापूर्वक शल्यक्रिया गरी १ रुपैयाँको सिक्का निकाले । अब कुरा अचम्मको छ किनकी १ रुपैयाँको सिक्का कहिले अड्कियो र कसरी निकालियो ।
८ वर्षको उमेरमा बालिकाको घाँटी तलको खाना नलीमा एक रुपैयाँको सिक्का फसेको थियो । १३ वर्षसम्म पीडाबिना जिउने केटी अहिले २१ वर्षको उमेरमा सिक्का निकाल्न आइन्, सबै छक्क परे ।
२१ वर्षीय नाजमीनका बुबा फारुकले आफू इन्दौरमा बस्ने र मजदुरी गर्ने बताए । ‘जब मेरी छोरी नाजमीन ८ वर्षकी गिइन्, उनको आग्रहमा मैले उनलाई चकलेट खानको लागि १ रुपैयाँको सिक्का दिएँ । त्यही क्रममा युवतीले सिक्का मुखमा राखेकी थिइन् र सिक्का घाँटीदेखि खाना नलीसम्म गयो ।’ उनले भने ‘छोरीले उल्टी गरिन् र त्यसपछि उनको अवस्था राम्रो भयो, त्यसैले हामीले सिक्का निस्क्यो कि भन्ने लाग्यो किनभने उनको कहिल्यै दुखाइ महसुस गरेनौं र हामीले पनि १३ वर्षसम्म ध्यान दिएनौं ।’
अब त्यो सिक्का घाँटी मुनिको खाना नलीमा अड्किएको खुलासा भयो । जसको लागि उज्जैनमा शल्यक्रिया गरिएको थियो र शल्यक्रिया पनि सफलतापूर्वक सम्पन्न भएको थियो ।
नाजमिनका बुबा फारुकले बालिकाको तौल लगातार घट्दै गएको बताए । दुई–दुई ठाउँमा एक्स–रे सोनोग्राफी गर्दा घाँटीमुनि खानाको पाइपमा केही पदार्थ अड्किएको भेटियो । त्यतिबेला बुबालाई त्यो घटना याद आयो र तुरुन्तै बालिकाको शल्यक्रिया गराए, जुन उज्जैनमा सफल पनि भयो ।
