एजेन्सी । इन्डियन प्रिमियर लिग (आईपीएल)को १६ औं सिजन यस वर्षको मार्च २२ बाट सुरु हुँदैछ भने महिला प्रिमियर लिग (डब्लुपीएल)को दोस्रो सिजन फेब्रुअरीको अन्त्यबाट सुरु हुँदैछ ।
यसै वर्ष भारतमा आम चुनाव हुन लागेको र त्यसलाई ध्यानमा राखेर आईपीएल आयोजना गरिने भएको छ । चुनाव भए पनि २०१९ जस्तै सबै खेल भारतमा मात्रै हुनेछन् ।
अनुसार आईपीएल आयोजना गर्ने सहरहरूमा लोकसभा चुनाव हुने चरणमा त्यहाँका खेलहरू अन्य स्थानहरूमा हुनेछन् । अर्को चरणको निर्वाचन हुने स्थानका खेलहरू अन्य स्थानमा आयोजना हुनेछन् । बीसीसीआईले यसरी खेलहरू आयोजना गर्ने योजना बनाएको छ ।
केन्द्रीय गृहमन्त्री अमित शाहका छोरा तथा बीसीसीआईका सचिव जय शाह आईपीएललाई भारतमा ल्याउन कडा मेहनत गरिरहेका छन् । स्रोतका अनुसार बीसीसीआई र केही सरकारी मन्त्रालयबीच यस विषयमा छलफल पनि भएको छ ।
निर्वाचनका क्रममा खेलका लागि सुरक्षाकर्मी उपलब्ध गराउन कुनै समस्या नपर्ने भएको छ । यसअघि सन् २००९ र २०१४ मा आमनिर्वाचनका कारण आइपिएल विदेशमा आयोजना गर्नुपरेको थियो ।
२००९ मा, आईपीएल आयुक्त ललित मोदी थिए र त्यसबखत सम्पूर्ण प्रतियोगिता दक्षिण अफ्रिकामा आयोजित भएको थियो । यस्तै, २०१४ मा पहिलो २० खेल युएईको अबुधाबी, दुबई र शारजाहमा आयोजना गरिएको थियो । मे २ मा निर्वाचनपछि बाँकी खेल भारतमा आयोजना गरिएको थियो । तर २०१९ मा आम चुनावसँगै आईपीएलका सबै खेलहरू भारतमै सम्पन्न भएका थिए ।
