एजेन्सी । ‘कृष्णा कटेज’, ‘३६ चाइना टाउन’ र ‘डन’ जस्ता फिल्ममा काम गरिसकेकी बलिउड अभिनेत्री ईशा कोप्पिकर विवाहको १४ वर्षपछि पतिसँग अलग भएकी छिन् । ईशा र उनका श्रीमान् टिमी नारङ दुवैले सम्बन्धविच्छेदको कारण भने भनेका छैनन् तर विवाहको यति वर्षपछि छुट्टिने निर्णय भने अलि अनौठो लाग्छ ।
खैर, उनी यस्तो पहिलो अभिनेत्री भने होइनन्, यसमा आमिर खान–किरण राव (१५ वर्ष), दिया मिर्जा–साहिल सांगा (११ वर्ष), सोहेल खाना–सीमा साझेद (२४ वर्ष), अर्जुन रामपाल–मेहर जेसिया (२१ वर्ष) छन् । यीबाहेक यस्ता धेरै नामहरू पनि समावेश छन् ।
यदि तपाईं विवाहको वर्षहरू बितेको सम्बन्धमा उस्तै आकर्षण कायम राख्न चाहनुहुन्छ भने, समय– समयमा आफ्नो सम्बन्धलाई रिचार्ज गरिरहनु महत्त्वपूर्ण छ ।
पुरानो समय सम्झना गर्ने
यदि तपाईलाई पनि आफ्नो सम्बन्धमा बोर लाग्न थालेको छ भने आफ्नो पार्टनरबाट यो कुरा लुकाउनुको सट्टा उनीसँग कुरा गर्नुहोस् । उनलाई भन्नुहोस् कि सम्बन्धमा कुन चीजहरू हराइरहेका छन् । ‘पहिले जस्तै हामी डेटमा जान्थ्यौं, एकअर्कालाई आश्चर्यचकित गर्थ्यौं, एकअर्काको लागि समय निकाल्न मन पराउँथ्यौं ।’ ती चीजहरू पुनः प्राप्त गर्न समय लिनुहोस् । यसबाट सम्बन्धलाई पुनः स्थापित गर्न सकिन्छ ।
यात्रा योजना बनाउने
सँगै कतै यात्राको योजना बनाउनुहोस् । यो सम्बन्ध रिचार्ज गर्न एक धेरै राम्रो तरिका हो । यात्रा गर्दा, तपाईंले आफ्नो जीवनबाट हराएको समयलाई पुनः जिउनुहुन्छ ।
‘म होइन हामी’ समय निकाल्ने
निस्सन्देह, सम्बन्धमा एक अर्कालाई स्पेस दिनु महत्त्वपूर्ण छ, तर केहि समय पछि, जोडीहरूले म भन्दा हामीमा बढी ध्यान दिनुपर्छ । यदि धेरै होइन भने, कम्तिमा सँगै चिया पिउनुहोस्, चलचित्र वा विकेन्डमा सँगै डिनरमा जानुहोस् । सबैभन्दा सजिलो र सबैभन्दा रमाइलो तरिका भान्सामा सँगै खाना पकाउनु हो । सँगै समय बिताउन विभिन्न तरिकाहरू खोज्नुहोस् । जसले सम्बन्धको रोमाञ्च र मायालाई कायम राख्छ ।
