काठमाडौँ । काठमाडौं महानगरपालिका-२६ गोंगबुमा टिपरको ठक्करबाट मोटरसाइकलमा सवार एक जनाको मृत्यु भएको छ ।
बा प०३-००१ प ०५०० नम्बरको टिपरले बा५४ प ५२६६ नम्बरको मोटरसाइकललाई ठक्कर दिँदा मोटरसाइकलमा सवार गोरखाका २५ वर्षीय रनबहादुर तामाङको मृत्यु भएको प्रहरीले जनाएको छ ।
दुर्घटनामा गम्भीर घाइते भएका तामाङको उपचारको क्रममा त्रिवि शिक्षण अस्पताल महाराजगञ्जमा मृत्यु भएको हो ।
दुर्घटनामा घाइते मोटरसाइकल चालकको पनि सोही अस्पतालमा उपचार भइरहेको र टिपर चालकलाई नियन्त्रणमा लिईएको प्रहरीले जनाएको छ ।
