चितवन । गत मंसिर ६ गते भरतपुर महानगरपालिका-१२ स्थित मिलनचोकमा बोराभित्र भेटिएका दुई वटा शवको पहिचान भएको छ ।
हत्या गरेर बोरामा शव पोको पारेर कल्भर्ट मुनि फालिएका पुरुष र महिला दुवै भारतीय नागरिक रहेका जिल्ला प्रहरी कार्यालय चितवनले जनाएको छ ।
चितवनको भरतपुरमा व्यापार गरेर बस्ने उनीहरुको हात, खुट्टा र घाँटी डोरीले बाँधेर हत्या गरेर फालिएको प्रहरीले जनाएको छ । उनीहरुको हत्या आरोपमा प्रहरीले भारतीय नागरिकलाई पक्राउ गरेको छ । शवको ३ हप्ता अघि नै पहिचान भएपनि हत्यारा पक्राउ नपरेकाले प्रहरीले सार्वजनिक भने गरेको थिएन ।
चितवन प्रहरीले यसबारे पत्रकार सम्मेलन गरेर विस्तृत जानकारी गराउने जनाएको छ ।
