काठमाडौँ । नेपाली सुनचाँदी बजारमा सोमबार सुन–चाँदीको मूल्य घटेको छ ।
आज छापावाल सुन प्रतितोला सात सय रूपैयाँले घटेर एक लाख १८ हजार आठ सय रूपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । आइतबार छापावाल सुन प्रतितोला एक लाख १९ हजार पाँच सय रूपैयाँमा कारोबार भएको थियो ।
यस्तै, आज तेजाबी सुन प्रतितोला एक लाख १८ हजार दुई सय ५० रूपैयाँमा कारोबार भइरहेको छ । हिजो तेजाबी सुन प्रतितोला एक लाख १८ हजार नौ सय ५० रूपैयाँमा कारोबार भएको थियो ।
त्यसैगरी, सोमबार चाँदीको मूल्य पनि घटेको छ । आज चाँदी प्रतितोला ५ रूपैयाँ घटेर १४ सय १५ रूपैयाँमा कारोबार भईरहेको महासंघले जनाएको छ ।
