काठमाडौँ । प्रमुख प्रतिपक्ष नेकपा (एमाले)का अध्यक्ष केपी शर्मा ओली र प्रधानमन्त्री पुष्पकमल दाहाल ‘प्रचण्ड’बीच बालुवाटारमा छलफल भएको छ ।
बुधबार साँझ बालुवाटारमा प्रधानमन्त्रीसँगको छलफलमा अध्यक्ष ओलीले प्रधानमन्त्रीलाई राष्ट्रिय सभामा जिरो नबनाउन प्रस्ताव गर्नुभएको छ ।
बैठकपछि सञ्चारकर्मीसँग कुरा गर्दै नेकपा एसका उपाध्यक्ष राजेन्द्र पाण्डेले भन्नुभयो, ‘एमाले अध्यक्ष केपी ओली प्रधानमन्त्रीसँग राष्ट्रिय सभामा हामीलाई जिरो नबनाउनुस् भन्ने प्रस्ताव गर्नु भएको छ भन्ने कुरा छ । यसबारे गठबन्धनले बुझेर टुंग्गो लगाउने छ ।’
राष्ट्रियसभा निर्वाचनबारे प्रधानमन्त्री प्रचण्डले सत्तारुढ चार दलका नेताहरुसँग छलफल गरेलगतै एमाले अध्यक्ष ओली बालुवाटार पुग्नुभएको थियो ।
