एजेन्सी । अक्षय कुमार र अरशद वारसी स्टारर फिल्म ‘जोली एलएलबी–३’ बहुप्रतिक्षित फिल्महरू मध्ये एक हो ।
फिल्मको स्क्रिप्टिङको काम सुरु भइसकेको छ । जोली एलएलबीलाई सुभाष कपूरले निर्देशन गर्नेछन् । जोली एलएलबी–३ मा अक्षय कुमार र अरशद वारसी कोर्टमा एकअर्काको विरुद्धमा उभिएका देखिनेछन् ।
फिल्मका अघिल्ला दुई भागलाई दर्शकले निकै रुचाएका थिए । फिल्म २०२५ मा रिलिज हुनेछ । यसको छायांकन केही महिनापछि जयपुरमा सुरु हुनेछ । निर्माण पक्षले छिट्टै चलचित्रको कलाकारको घोषणा गर्नेछ । फिल्मको नामबारे भने अहिलेसम्म कुनै पुष्टि भएको छैन ।
फिल्मको सुटिङ यसै वर्ष जयपुरबाट सुरु हुनेछ । अहिले बाँकी छायांकन लोकेशन फाइनल भइरहेको छ । फिल्ममा अक्षय र अरशदका अलावा सौरभ शुक्ला पनि मुख्य भूमिकामा देखिनेछन् । हरेक पटक जस्तै यस पटक पनि उनी फिल्ममा जजको भूमिकामा देखिनेछन् ।
अक्षय र अरशद अदालतमा एकअर्काविरुद्ध बहस गर्ने । फिल्ममा दुई कलाकारबीचको बहसको लागि निकै रमाइलो विषय उठाइनेछ ।
यो फिल्ममा ड्रामा, थ्रिलदेखि कमेडीसम्म विभिन्न विधाहरू हुनेछन् । स्क्रिप्टिङ पूरा भएपछि, टोली पूर्व उत्पादन चरणमा सर्नेछ । डिज्नी र अक्षय कुमारको प्रोडक्सन हाउस केप अफ गुड फिल्म्सले यो फिल्मलाई संयुक्त रुपमा निर्माण गर्दैछन् । अक्षय कुमारले ‘जोली एलएलबी ३’ अघि ‘वेलकम टु जंगल’ को सुटिङ पूरा गर्नेछन् ।
यसबाहेक यो फिल्ममा अक्षय र अरशद दुवैको लगभग बराबर भूमिका हुने बताइएको छ । उनीहरु फिल्ममा एकअर्कासँग प्रतिस्पर्धा गर्दै देखिनेछन् । अक्षय र अरशदले यसअघि ‘जानी दुश्मनः एक अनोखी कहानी’ (२००२) र ‘बच्चन पाण्डे’ (२०२२) मा सँगै काम गरिसकेका छन्।
