काठमाडौँ । नेपाली कांग्रेस र नेकपा (माओवादी केन्द्र) का शीर्ष नेताबीच आसन्न राष्ट्रियसभा सदस्य निर्वाचन सम्बन्धमा आज पनि छलफलमा जुटेका छन् ।
बालुवाटारमा प्रधानमन्त्री एवं माओवादी केन्द्रका अध्यक्ष पुष्पकमल दाहाल ‘प्रचण्ड’, कांग्रेस सभापति शेरबहादुर देउवालगायतका शीर्ष नेताहरु निर्वाचनको लागि सीट भागबन्डा मिलाउन छलफलमा जुटेका हुन् । बैठकमा वरिष्ठ उपाध्यक्ष नारायणकाजी श्रेष्ठ, वर्षमान पुन, उपसभापति पूर्णबहादुर खड्का, महामन्त्री गगनकुमार थापा र प्रमुख सचेतक पनि सहभागी रहेका छन् ।
मंगलबार पनि दुई दलका शीर्ष नेताहरूबीच छलफल भएको थियो ।
राष्ट्रियसभा सदस्यको निर्वाचन आगामी माघ ११ गते हुँदैछ । निर्वाचन आयोगले पुस २३ गतेको लागि उम्मेदवारी दर्ता तोकेको छ ।
