काठमाडौँ । रुसी सेनामा थप तीन जना नेपालीको मृत्यु भएको छ ।
यसअघि पनि रुसी सेनामा गैरकानुनी रुपमा भर्ती भएका सात जना नेपालीको ज्यान गएको थियो । यो समेत गरी रुसी सेनामा ज्यान गुमाएका नेपालीको संख्या १० पुगेको छ ।
मंगलबार मात्र रुसी सेनामा स्याङ्जा, धादिङ र कास्कीका तीन जनाको ज्यान गएको खबर आएको थियो । उता अझै पनि ४ जना नेपाली अझै पनि युक्रेनी सेनाको कब्जामा छन् । उनीहरु रुसी सेनामा रहेका र युक्रेनी सेनाको कब्जामा परी नियन्त्रणमा रहेका हुन् ।
यसैबीच रुसलाई नेपाल सरकारले नेपालीलाई सेनामा भर्ती नगर्न बारम्बार आग्रह गर्दा पनि नमानेपछि परराष्ट्रमन्त्री एनपी साउद आफै रुस जान लागेका छन् । उनी भोलि हुने नेपाल भारत विदेश मन्त्रीस्तरीय बैठक पछि रुस जान लागेको हुन् ।
रुसलाइ नेपालीलाई भर्ती नगर्न बारम्बार आग्रह गर्दा पनि नमानेपछि मन्त्री नै मस्को गएर रुस सरकारसँग कुरा गर्ने बताइएको छ ।
फोटो- रासस /एपी
