काठमाडौँ । राष्ट्रिय प्रजातन्त्र पार्टी (राप्रपा)का प्रवक्ता मोहन कुमार श्रेष्ठले राज्यबाट जोगिएर बाँच्न सक्नु नै ठूलो उपलब्धि हुने अवस्था आएको बताउनु भएको छ ।
शुक्रबारको बालकुमारी घटनालाई लिएर प्रवक्ता श्रेष्ठले प्रधानमन्त्रीले तिन दिनअघि आफ्नो एक वर्षे कार्यकालमा सम्बोधन गरेको जनाउँदै कार्यशैली बदल्ने प्रतिबद्धता व्यक्त गरेपनि बालकुमारी घटनाले प्रधानमन्त्रीको कार्यशैलीमा थप प्रश्न उठाएको बताउनुभयो ।
उहाँले सामाजिक सञ्जालमा भन्नुभएको छ –
प्रधानमन्त्रीले तिन दिनअघि आफ्नो एक वर्षे ‘असफल’ कार्यकालको फेहरिस्त सुनाउने क्रममा अब कार्यशैली बदल्ने प्रतिबद्धता व्यक्त गर्नुभएको थियो । आज बालकुमारी घटनापछि प्रधानमन्त्री कुन कार्यशैलीमा जाँदै हुनुहुन्छ भन्ने प्रष्ट भएको छ । सम्भवतः यो शुरुआत मात्रै होला आगामी दिनमा यस्ता घटनाहरु कति भोग्नुपर्ने हो, कति सुन्नुपर्ने हो ! अब राज्यबाट जोगिएर बाँच्न सक्नु नै ठूलो उपलब्धि होला जस्तो भयो !
राज्यद्वारा हत्या गरिएका दुई यूवाप्रति हार्दिक श्रद्धान्जलि ।
अरु यूवाका सपना यसरी नमरुन् ।
