एजेन्सी । भारतीय टोलीका पूर्व कप्तान महेन्द्र सिंह धोनी आफ्ना फ्यानमाझ सधैं लोकप्रिय छन् । उनका भिडियोहरू सामाजिक सञ्जालमा प्राय भाइरल हुने गरेका छन् । पछिल्लो समय माही फेरि लामो कपालका कारण चर्चामा छन् । धोनीले आईपीएल २०२४ अघि लामो कपाल राख्नुको कारण खुलासा गरेका छन् । धोनीले एक कार्यक्रममा भने, उनले फेरि किन लामो कपाल राखेका छन् ?
भारतीय टीमका पूर्व कप्तान एमएस धोनीले २००७ को टी–२० विश्वकप जितेर आफ्नो लामो कपाल काटेका थिए । त्यसपछि क्रिकेट फ्यानहरूले उनलाई धेरै फरक हेयरस्टाइलमा देखे, तर सबैले अझै पनि धोनीको लामो कपाल मन पराउँछन् ।
यस्तो अवस्थामा आईपीएल २०२४ अघि धोनीले फेरि एकपटक लामो कपाल राखेका छन् । एक कार्यक्रममा धोनीले लामो कपाल राख्नुको कारण बताउदै नयाँ हेयरस्टाइल कायम राख्न निकै कठिनाइको सामना गर्नुपर्ने बताए । फ्यानहरूले धेरै मन पराउने भएकाले लामो कपाल राखेको धोनीले बताए । तर, उनले थप कठिनाइ भए कपाल छोटो पार्ने पनि बताए ।
यससँगै धोनीले यो हेयरस्टाइल राख्न गाह्रो भएको बताए । ‘पहिले २० मिनेटमा मात्रै तयार हुन्थ्यो तर अहिले १ घण्टा १० मिनेट लाग्छ । म यो गरिरहेको छु किनभने फ्यानहरूले यसलाई मन पराउँछन्, तर एक दिन म यसलाई काट्नेछु ।’ उनले भने ।
धोनीले आफ्नो कप्तानीमा भारतीय टोलीलाई तीनवटै आईसीसी उपाधि जिताउन सफल भएका छन् र त्यो गर्ने उनी एक मात्र कप्तान हुन् । धोनीले भारतलाई टी–२० विश्वकप २००७, विश्वकप २०११ र च्याम्पियन्स ट्रफी २०१३ को उपाधि दिलाएका थिए । योसँगै आईपीएलमा उनको कप्तानीमा चेन्नई सुपर किंग्सले पाँच पटक उपाधि जितेको छ ।
