काठमाडौं । मुख्यमन्त्री लालबाबु राउतको पिएसओको दुर्घटनामा परि मृत्यु भएको छ । पूर्वपश्चिम राजमार्ग अन्तर्गत एक ट्रकले ठक्कर दिँदा आज बिहान लगभग ३ बजे मुख्यमन्त्री राउतको पिएसओ प्रहरी सहायक निरीक्षक मदनजंग कापरको मृत्यु प्रहरीले जनाएको छ । असई कापरको घटनास्थलमै मृत्यु भएको पनि प्रहरीले जनाएको छ ।
धनुषाको मिथिला नगरपालिका–१० स्थित लालगढमा रहेको मोडल अस्पताल नजिक असई कापर सवार लु ५३ प ८५७५ नम्बरको मोटरर्साइकललाई ठक्कर दिँएको थियो ।
मृतक असई कापरको शव जनकपुरधामस्थित प्रादेशिक अस्पतालमा राखिएको धनुषा प्रहरीले जनाएको छ । ठक्कर दिएर भागेको ट्रकलाई सुनसरी प्रहरीले नियन्त्रणमा लिएको छ ।
