एजेन्सी । इंग्लिस प्रिमियर लिग फुटबलमा एस्टन भिल्लाले पुनरागमन जित निकालेको छ । गएराति भएको खेलमा भिल्लाले ब्रेन्टफोर्डलाई उसकै मैदानमा २ १ गोलले पराजित गरेको हो ।
घरेलु टोली ब्रेन्टफोर्डले खेलको ४५ औं मिनेटमा किन लेविस पोटरको गोलबाट सुरुवाती अग्रता लिएको थियो । यता, खेलको ७७ औं मिनेटमा एलेक्स मोरेनोले तथा ८५ औं मिनेटमा ओलि वाट्कीन्सले गोल गर्दै भिल्लालाई जित दिलाए ।
खेलको ७१ औं मिनेटमा बेन मीले रातो कार्ड खाएपछि ब्रेन्टफोर्ड १० खेलाडीमा समेटिएको थियो । यता खेल सकिनै लाग्दा इन्जुरी समयमा भिल्लाका बोउवाकार कमाराले पनि रातो कार्ड खान पुगे ।
यो नतिजासँगै भिल्ला १७ खेलबाट ३८ अंकका साथ तालिकाको तेस्रो स्थानमा छ । ब्रेन्टफोर्ड १९ अंकका साथ १२ औं स्थानमा छ ।
