काठमाडौँ । नेपाल सुपर लिग (एनएसएल) को दोस्रो सिजन अन्तिम चरणमा पुग्दा प्लेअफ होड रोमाञ्चक मोडमा पुगेको छ ।
यस सिजनको कुल ३६ खेलमध्ये अब ९ खेल खेल्न बाँकी रहँदा प्लेअफमा पुग्ने टोलीको टुङ्गो लाग्न सकिरहेको छैन । पहिलो संस्करणमा विराटनगर सिटीसहित ६ टोलीले प्रतिष्पर्धा गरेका थिए । यस पटक विराटनगर सहभागी भएन । दोस्रो संस्करणमा वीरगञ्ज युनाइटेड, स्पोर्टिङ इलाम र झापा एफसीले डेब्यु गरेका हुन् । तर डेब्युटेन्ट टोलीको प्रदर्शन सुखद् बन्न सकेन । यी तीनमध्ये स्पोर्टिङ इलामको प्लेअफ सम्भावना लगभग सकिएको छ । नेपाली राष्ट्रिय टोलीबाट सर्वाधिक गोलकर्ता अञ्जन विष्टको कप्तानी रहेको झापाको भने आशा जीवित छ । विदेशी खेलाडीले राम्रो प्रदर्शन गर्न नसक्दा झापाले शुरुवात चरणमा धेरै संघर्ष गर्नुप¥यो ।
पछिल्ला खेलमा लयमा फर्किए पनि झापाको प्लेअफ सम्भावना सहज भने छैन । पाँचौं स्थानमा रहेको झापाले अब दुई खेल मात्र खेल्ने बाँकी छ । तर झापाभन्दा माथि शिर्ष चारमा रहेको अधिकांश टोलीले जारी सिजन राम्रो प्रदर्शन गरिरहेका छन् । उनीहरू नै प्लेअफका लागि बलिया दाबेदार देखिएका छन् । शिर्ष स्थानमा रहेको धनगढीले कुल आठ खेलमध्ये पाँच खेलबाटै ११ अंक बटुलेको छ । गत संस्करणको उपविजेता धनगढी यस सिजनको अपराजित दुई टोलीमध्ये एक पनि हो ।
धनगढीको यो सफलतामा अग्रपंक्तिका अहमद हिजाजी, ओलावाले अफिज र फोडे फोफनाको प्रदर्शन पनि हो । पाँच विदेशी खेलाडीमध्ये घानाका रिचर्ड एग्येमेङकले पनि रक्षापंक्तिमा राम्रो भुमिका खेल्दा धनगढी यस पटक पनि दाबेदारका रूपमा देखिएको छ । धनगढीभन्दा एक खेल बढी खेलेको पोखरा थन्डर्स अर्को बलियो टोली हो । गत सिजन पाँचौं स्थानमा रहेर लिग टुङ्गाएको पोखरा यस पटक ११ अंकसहित दोस्रो स्थानमा छ । गत सिजन बुटवल लुम्बिनीसँग समान ८ अंक भएपनि गोलअन्तरमा पछि पर्दै प्लेअफमा जान नपाएको पोखराले यस सिजन भने शुरुवातदेखि नै उत्कृष्ट प्रदर्शन गरेको छ ।
मार्की खेलाडी तथा राष्ट्रिय टोलीका सदस्य आयुष घलान यस सिजन चम्किँदा पोखराले यस सिजन बलियो दाबेदारी प्रश्तुत गरेको हो । गत संस्करणकै एनएसएलमा उत्कृष्ट प्रदर्शन गर्दै राष्ट्रिय टोलीको बाटो खोलेका आयुषले यस सिजन मिडफिल्ड राम्रो भुमिका खेल्दै विपक्षी टोलीका लागि चुनौति बनिरहेका छन् । राष्ट्रिय टोलीका भरपर्दा डिफेण्डर अनन्त तामाङको कप्तानीमा रहेको ललितपुर सिटी ६ खेलबाट १० अंकसहित तेस्रो छ । दुई खेल बाँकी छँदा ललितपुर दोस्रो अपराजित टोली हो । यस सिजन सबैभन्दा धेरै गोल (७) गर्ने टोलीमा ललितपुर संयुक्त रूपमा शिर्षमा छ ।
बलियो रंक्षापक्तिसँगै गोलकिपर जेफ्री विली मार्सेलले चार खेलमा क्लिन सिट राख्दा ललितपुर सिटी एफसीलाई यस सिजन दाबेदार टोलीका रूपमा उभ्याएको हो । चौथो स्थानमा रहेको डिफेन्डिङ च्याम्पियन काठमाडौं रेजर्सको पाँच खेलबाट ८ अंक छ । तीन खेल बाँकी रेजर्स अभैm उपाधि रक्षा गर्ने होडमा छ । मार्की तथा राष्ट्रिय टोलीका सदस्य हिसुब थपलियाको प्रदर्शन खासै राम्रो नरहे पनि पाँच विदेशी खेलाडीको साथ पाएपछि रेजर्सले शिर्षता दाबेदारी कायमै राखेको हो ।
रेजर्सको अग्रपंक्तिका एनकेङ्ग्यु जुनियर र सोखरुखको प्रदर्शन तारिफयोग्य छ । शहीद स्मारक ‘ए’ डिभिजन लिगकै अनुभवी आन्द्रेस नियाले आफ्नो भुमिका राम्रोसँग निभाउँदा रेजर्स बलियो प्रतिद्वन्दीको रूपमा दोस्रो सिजन पनि उभिएको हो । तर, डेब्युटेन्ट टोली झापा, इलाम र वीरगञ्जसहित अन्य टोलीको प्रदर्शन भने सुखद् बन्न सकेन । गत सिजन पुछार रहेको लिग टुङ्गाएको एफसी चितवनको यस पटक पनि प्रदर्शन यादगार बन्न सकेन । यद्यपि, चितवन यस पटक पनि प्लेअफमा पुग्ने सम्भावना कठिन नै छ । अब चितवनले अन्तिम खेल झापासँग खेल्नेछ ।
त्यो खेलमा जितबाहेक आफूभन्दा माथि रहेका टोलीको हार कल्पना गर्नुपर्नेछ । तर त्यो नतिजा आउन असम्भव जस्तै देखिन्छ । तथापि, यस पटक ९ खेल बाँकी रहेकाले अभैm यही टोली शिर्ष चारमा रहन्छन् भन्न सकिने अवस्था भने छैन । नेपालमा पहिलोपटक फ्रेन्चाइज फुटबल लिगको शुरुवात वि.सं. २०७६ मा भएको थियो । देशमा कोराना महामारी पैmलिरहेको समयमा पनि कठिन अवस्थाका बीच एनएसएलको पहिलो संस्करण सम्पन्न हुन पुग्यो । त्यो आयोजनालाई दर्शकले प्रत्यक्ष रूपमा हेर्न पाएनन् ।
अखिल नेपाल फुटबल संघ (एन्फा) को राजनीति चेपाइमा परेपछि एनएसएलको दोस्रो आयोजना लामो समय प्रभावित बन्न पुग्यो । त्यो पनि करिव साढे दुुई वर्षसम्म । लामो समयको पर्खाइपछि दोस्रो संस्करण भयो । त्यो पनि केही परिस्कृत नियमसहित । यस सिजन युरोपेली फुटबल अनुभवी फलोउ डियाग्नेले धनगढीबाट पनि खेलिरहेका छन् । उमेर पाका फलोउको प्रदर्शन आशातित बन्न सकेको भने छैन । तर, अफ्रिकन र केही नयाँ फुटबरले नेपाली फुटबलमा अहिलेसम्मकै उत्कृष्ट प्रदर्शन दिए पनि २७ खेल सकिँदासम्म दर्शकको साथ भने एनएसएलले पाउन सकेको छैन ।
