एजेन्सी । हार्दिक पाण्ड्याले आईपीएल २०२४ मा पाँच पटकको च्याम्पियन मुम्बई इन्डियन्सको कप्तानी गर्ने भएका छन् । मुम्बईले इन्डियन प्रिमियर लिगको १७ औं सिजनका लागि हार्दिकलाई कप्तान नियुक्त गरेको हो ।
यसको मतलब यो सिजन रोहित शर्मा टोलीको कप्तानीमा देखिने छैनन् । रोहितको कप्तानीमा मुम्बईले पाँच पटक आईपीएलको उपाधि जितेको छ ।
रोहित शर्माले आईपीएल २०२४ मा मुम्बई इन्डियन्सको कप्तानी गर्ने छैनन् । आईपीएलका पाँच उपाधि जितेको मुम्बईको टोलीले आगामी सिजनका लागि हार्दिकलाई टोलीको कमाण्ड दिने निर्णय गरेको हो ।
मुम्बईले हार्दिकलाई मिनी लिलामी अघि गुजरात टाइटन्ससँग व्यापार गरेर आफ्नो टोलीमा समावेश गरेको थियो ।
आईपीएलमा कप्तानका रुपमा हार्दिक पाण्ड्याको कीर्तिमान अतुलनीय रहेको छ । हार्दिकले पहिलो सिजनमा आफ्नो कप्तानीमा गुजरात टाइटन्सलाई च्याम्पियन बनाएका थिए । यससँगै गत सिजन पनि हार्दिकको कप्तानीमा टोली फाइनलमा पुगेको थियो ।
यही कारणले गर्दा मुम्बईको टोलीले यस सिजनका लागि हार्दिकमाथि विश्वास लिएको छ । जब हार्दिकलाई ट्रेड गरियो, उनले मुम्बईको जिम्मेवारी लिन सक्ने अनुमान गरिएको थियो ।
अर्कोतर्फ रोहित शर्माले आफ्नो कप्तानीमा मुम्बई इन्डियन्सलाई पाँच पटक च्याम्पियन बनाएका छन् । रोहित सन् २०११ मा मुम्बईको टोलीमा सामेल भएका थिए र २०१३ मा उनलाई टोलीको नेतृत्व सुम्पिएको थियो । रोहितले यो वर्ष पहिलो पटक आईपीएलको उपाधि टोलीलाई दिएका थिए । यसपछि सन् २०१५, २०१७, २०१९ र २०२० मा रोहितको कप्तानीमा मुम्बईले आईपीएलको उपाधि जितेको थियो ।
