काठमाडौँ । नेपाली सुनचाँदी बजारमा आज साता कारोबारको चौथो दिन बुधबार पनि सुनको मूल्य घटेको छ । आइतबारदेखि घट्न थालेको सुनको मूल्यले आज पनि निरन्तरता पाएको हो ।
आज छापावाल सुन प्रतितोला तीन सय रूपैयाँले घटेर एक लाख १६ हजार रूपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । मंगलबार छापावाल सुन प्रतितोला एक लाख १६ हजार रूपैयाँमा कारोबार भएको थियो ।
बुधबार तेजाबी सुन प्रतितोला एक लाख १५ हजार चार सय ५० रूपैयाँमा कारोबार भइरहेको छ । हिजो तेजाबी सुन प्रतितोला एक लाख १५ हजार सात सय ५० रूपैयाँमा कारोबार भएको थियो ।
त्यसैगरी, बुधबार चाँदीको मूल्य पनि घटेको छ । आज चाँदी प्रतितोला १० रूपैयाँले घटि एक हजार चार सय रूपैयाँमा कारोबार भइरहेको महासंघले जनाएको छ ।
