काठमाडौँ । एसीसी यू-१९ एसिया कपको समूह चरणको अन्तिम खेलमा नेपाल भारतसँग १० विकेटले पराजित भएको छ । हारसँगै नेपाल कपको समूह चरणबाट बाहिरिएको छ ।
नेपालले दिएको ५३ रनको झिनो लक्ष्य पछ्याएको भारतले ७.१ ओभरमा आफ्नो लक्ष्य पूरा गर्यो ।भारतका आर्शिन अतुल कुलकर्णी ३० बलमा १ चौका र ५ छक्कासहित ४३ रनमा अविजित रहे । आदर्श सिंह १३ रनमा नट आउट रहे ।
नेपालका कुनैपनि बलरले विकेट लिन सकेनन् ।
त्यसअघि दुबईको आइसिसी एकेडेमी ओभल-२ मैदानमा टस हारेर ब्याटिङको निम्तो पाएको नेपालले २२.१ ओभरमा अल आउट हुँदै ५२ रन बनायो । भारतविरुद्ध नेपालका कुनैपनि खेलाडिले दोहोरो अंकमा रन बनाउन सकेनन् ।
नेपालको लागि हेमन्त धामी ८, अर्जुन कुमाल ७, दीपक बोहोरा ७ ,गुल्शन झा ४, दिपेश कँडेल ४, सुवास भण्डारी २, कप्तान देव खनाल २, आकाश चन्द ४ र दीपक बोहोराले एक रन बनाए । भारतले नेपाललाई एक्स्ट्रा १३ रन दिएको थियो ।
भारतको लागि राज लिम्वानीले ९.१ ओभरमा तीन मेडनसहित १३ रन खर्चिएर उत्कृष्ट ७ विकेट लिए । यस्तै, आराध्य शुक्लाले दुई विकेट लिदा आर्शिन अतुल कुलकर्णीले एक विकेट लिए ।
