आईपीएल अक्शन २०२४ को अन्तिम सूची जारी

एजेन्सी । भारतीय क्रिकेट कन्ट्रोल बोर्ड (बीसिसिआई)ले आईपीएल अक्शन २०२४ को अन्तिम सूची जारी गरेको छ । आईपीएलको आगामी सिजनको लिलामीका लागि ३३३ खेलाडी छनोट भएका छन् जसमा २१४ भारतीय र ११९ विदेशी खेलाडी छन् ।

लिलामीमा ७७ खेलाडी मात्रै बिक्रि हुनेछन् । यसमा ३० विदेशी खेलाडीका लागि स्लटहरू छन्, जसलाई फ्रेन्चाइजले खरिद गरेको देख्न सकिन्छ । यस पटक लिलामी दुबईमा आयोजना हुनेछ ।

आईपीएल २०२४ को लिलामीका लागि क्याप गरिएका खेलाडीहरूको संख्या ११६ छ । अर्कोतर्फ २१५ अनक्याप क्रिकेटरहरू छन् । यो सूचीमा दुई एसोसिएट देशका खेलाडी पनि परेका छन् । २३ खेलाडीले सबैभन्दा उच्च आधार मूल्य २ करोडमा आफ्नो नाम राखेका छन् । एकै समयमा, १.५ करोडको सूचीमा १३ क्रिकेटरहरू छन् ।

यी बाहेक १ करोड, ५० लाख, ७५ लाख, ३० लाख र २० लाख आधार मूल्य भएका खेलाडी पनि सूचीमा परेका छन् । भारतका हर्षल पटेल, उमेश यादव र शार्दुल ठाकुर २ करोड रुपैयाँको आधार पुरस्कारमा परेका छन् । यस्तै, अष्ट्रेलियाली टोलीका ट्राभिस हेड, प्याट कमिन्स, स्टिभ स्मिथ, मिचेल स्टार्क, जोस इङ्लिस, जोस हेजलउड र सिन एबटको आधार मूल्य पनि २ करोड रहेको छ ।

इङ्ल्यान्डबाट ह्यारी ब्रुक, क्रिस वोक्स, जेम्स भिन्स, जेमी ओभरटन, आदिल राशिद, डेभिड विली र बेन डकेटको नाम पनि यो सूचीमा परेका छन् । योसँगै दक्षिण अफ्रिकाका रिलो रुसो, रासी भान डेर डुसेन, जेराल्ड कोएत्जी, न्युजिल्यान्डका लोकी फर्गुसन, अफगानिस्तानका मुजिब उर रहमान र बंगलादेशका मुस्ताफिजुर रहमानको आधार मूल्य २ करोड भारु रहेको छ ।

• #आईपीएल