काठमाडौँ । एसीसी यू-१९ एसिया कपको आफ्नो तेस्रो खेलमा नेपालले भारतविरुद्ध लज्जास्पद सुरुवात गरेको छ ।
दुबईको आइसिसी एकेडेमी ओभल-२ मैदानमा टस हारेर ब्याटिङ गरिरहेको नेपालले १० ओभरमा ६ विकेट गुमाएर २१ रन बनाएको छ । यससँगै नेपाल संकटमा परेको छ ।
नेपालको पहिलो विकेटमा ओपनर दीपक बोहरा आउट भएका थिए । उनी ११ बलमा एक रन बनाउदै आउट भएका थिए । यस्तै ६.२ ओभरमा उत्तम मगर शुन्य रनमा आउट हुँदा ७.३ ओभरमा अर्जुन कुमाल २२ बलमा ७ रन बनाएर आउट भएका छन् ।
तीन विकेट गुमाएको नेपाललको जिम्मेवारी सम्हालदै क्रिजमा उत्रेका कप्तान देव खनाल आठौँ ओभरको पाँचौ बलमा दुई रन बनाएर पेभेलियन फर्किए । त्यसपछि आएका दिपक डुम्रे शुन्य रन बनाएर फर्किए । यस्त,ै गुलशन झा दशौं ओभरको पाँचौं बलमा ४ रन बनाएर एलबिडब्ल्यू आउट भए । गुलशन आउट हुँदा नेपाल ९.५ ओभरमा २१-६ को दयनीय अवस्थामा पुगेको छ ।
