काठमाडौँ । नेपाली राष्ट्रिय क्रिकेट टीमका १० खेलाडी पाकिस्तान सुपर लिग (पिएसएल) २०२४ को ड्राफ्टमा परेका छन् ।
पाकिस्तान सुपर लिगले जारी गरेको ड्राफ्ट लिष्टमा सन्दीप लामिछाने, गुलशन झा, आरिफ शेख, अर्जुन साउद, देव खनाल, दीपेन्द्रसिंह ऐरी, कुशल भुर्तेल, कुशल मल्ल र सोमपाल कामी ड्राफ्टमा परेका हुन् ।
पीएसएलले जारी गरेको सूचीमा नेपालका स्टार स्पिनर सन्दीप लामिछाने प्लेटिनमको लिस्टमा परेका छन् । सन्दीपले यसअघि पनि पाकिस्तान सुपर लिग खेलिसकेका छन् । उनले यसअघि लाहोर क्वालन्डर्सबाट खेलेका थिए ।
यस्तै, अलराउन्डर गुलशन झा गोल्ड क्याटेगोरीमा छन् भने आरिफ शेख, आसिफ शेख, अर्जुन साउद, देव खनाल, दीपेन्द्रसिंह ऐरी, कुशल भुर्तेल, कुशल मल्ल र सोमपाल कामी सिल्भर क्याटेगेरीमा परेका छन् । पिएसएलको ड्राफ्ट बुधबार हुँदैछ ।
प्लेटिनममा बिक्ने खेलाडीले १ लाख ४८ हजार अमेरिकी डलर (१ करोड ४० लाख रुपैयाँ) पाउनेछन् । गोल्ड क्याटेगोरीमा बिक्ने खेलाडीले ३७ हजार ४ सय ३५ डलर ( ५० लाख रुपैयाँ) र सिल्भर क्याटेगोरीका खेलाडीले १८ हजार अमेरिकी डलर(२५ लाख नेपाली रुपैयाँ) पाउनेछन् ।
पाकिस्तान सुपर लिगको अगामी संस्करण सन् २०२४ को फेब्रुअरी १३ देखि मार्च १९ सम्म सञ्चालन हुनेछ ।
