• १० असार २०८१, सोमबार
  •      Mon Jun 24 2024
  •   Unicode
Logo
Latest
★   जिल्ला अदालत सर्लाहीद्वारा रामबहादुर बम्जनलाई दोषी ठहर ★   सरकार र रुवी खानबीच ५ बुँदे सहमति ★   सांसदका १२ प्रश्नमा अर्थमन्त्री पुनको जवाफ ★   नदीमा पानीका बहाब बढेपछि मेलम्ची खानेपानी आयोजना बन्द ★   ऊर्जामन्त्री बस्नेत समक्ष विद्युत् नियमन आयोगका अध्यक्षको शपथ ★   निर्मला पन्तको हत्याबारे गृहमन्त्री: नतिजाउन्मुख छौँ ★   प्रधानमन्त्रीसँग चिनियाँ उपविदेशमन्त्रीको शिष्टाचार भेट ★   काठमाडौँ महानगरपालिकाको बजेट २५ अर्ब ७० करोड ★   अपाङ्गताले छेकेन पार्वतीको उद्यमी बन्ने रहर ★   अयोध्यामा राम मन्दिर बनाउन नेपालबाट लगिएको शालिग्राम नेपालले फिर्ता पाउनुपर्छ: वामदेव गौतम

मणिपाल टाइगर्सले पहिलो पटक लिजेन्ड्स क्रिकेट लिगको उपाधि जित्यो



एजेन्सी । लिजेन्ड्स क्रिकेट लिगको फाइनल खेलमा मणिपाल टाइगर्सले अर्बनराईजर्स हैदरावादलाई पराजित गरेको छ । हरभजन सिंहको टिमले फाइनलमा सुरेश रैनाको टिमलाई ५ विकेटले पराजित गर्दै उपाधि जितेको हो ।

पहिले ब्याटिङ गरेको हैदरावादले ५ विकेट गुमाएर १८७ रन बनाएको थियो । जवाफमा टाइगर्सले ५ विकेट गुमाएर १९३ रन जोड्दै खेल जित्यो । खेलमा रिकी क्लार्क र गुरकीरत सिंहले उत्कृष्ट ब्याटिङ गरेका थिए । यी दुईबीच शतकीय साझेदारी भयो ।

क्लार्कले ५२ बलमा ८० रन बनाए भने गुरकीरत सिंहले ६४ रनको उत्कृष्ट इनिङ्स खेले । यी दुई ब्याट्सम्यानको बलमा अर्बनराईजर्स हैदरावादको टोलीले १८७ रन बनाएको थियो ।

जवाफमा टाइगर्सका लागि असोला गुणरत्नेले २९ बलमा ५ छक्का प्रहार गर्दै अविजित ५१ रनको इनिङ खेल्दै टोलीलाई जिताउन सफल भए । असालाका अलावा थिसारा परेराले १३ बलमा २५ रनको अविजित इनिङ खेले । रोबिन उथप्पाको ब्याटबाट ४० रन आयो । यसरी मणिपाल टोलीले १९ ओभरमा ५ विकेट गुमाएर १९३ रन बनाउँदै उपाधि जितेको हो ।