• ३१ जेष्ठ २०८१, बिहीबार
  •      Thu Jun 13 2024
  •   Unicode
Logo
Latest
★   नेपाली क्रिकेटले खुलाएको देशभक्तिको भाव र जोडिएको भावना ★   भारत टी–२० विश्वकपको सुपर ८ मा प्रवेश, १११ रनको लक्ष्य १८.२ ओभरमा पछ्यायो ★   गणतन्त्रपछि विकासका बहुआयामिक द्वार खुलेका छन्ः पूर्वप्रधानन्यायाधीश श्रेष्ठ ★   दुर्लभ चराको बासस्थान बन्यो रेसुङ्गा र मदाने ★   “डिजिटल रूपान्तरणलाई अँगाल्दै” आइएमई २४ औ वर्षमा प्रवेश ★   ‘रोड थ्रिलर’ विधामा बन्यो ‘बाटोः रोड टु डेथ’ ★   काठमाडौं महानगरपालिका गर्यो सिंहदरबारभित्रबाट चार बालश्रमिकको उद्धार ★   मधेस स्वास्थ्य विज्ञान प्रतिष्ठानमा एमबिबीएस कार्यक्रम सुरु गर्न मुख्यमन्त्री सिंहको जोड ★   प्रधानमन्त्रीसँगको भेटपछि ओलीको प्रतिक्रिया– भेट राम्रो भयो ★   कुवेतमा भवनमा भएको आगलागीबाट ३५ भन्दा बढीको मृत्यु

तृप्ती डिमरीको एक हप्तामै बढ्यो १९ लाख फलोअर्स



एजेन्सी । सेन्सर बोर्डले बलिउड फिल्म ‘एनिमल’लाई एडल्ट सर्टिफिकेट दिएको कुरा पहिले नै स्पष्ट भइसकेको थियो । फिल्ममा अभिनेत्री तृप्ती डिमरीको भूमिकालाई लिएर विभिन्न टिकाटिप्पणी भइरहेको छ ।

फिल्ममा, उनी दोस्रो हाफमा छोटो समयको लागि आउँछिन् र कथामा ठूलो ट्विस्ट सिर्जना गर्दछिन् । तर यो ट्विस्टको क्रममा उनले रणबीर कपूरसँग लभ मेकिंग सीन गरेकी छिन्, जसमा तृप्ती र नायक दुबै ओछ्यानमा नग्न देखिएका छन् । यो दृश्यले सामाजिक सञ्जालमा हलचल मच्चाएको छ । फिल्मको यो दृश्यको क्लिपिङ भाइरल भएपछि अहिले मानिसहरू खोज्दैछन् को हुन् तृप्ती डिमरी ?

यसैबीच यो फिल्मपछि तृप्तीको सामाजिक सञ्जाल इन्स्टाग्राममा एकै हप्तामा १९ लाख फलोअर्स बढेका छन् । ७ लाख ११ हजार फलोअर्स रहेकी तृप्तीको यो संख्या ह्वात्तै बढेर २७ लाख पुगेको छ ।

रणवीरसँगको यो इन्टिमेट सीनले तृप्तीलाई रातारात यति चर्चित बनाएको छ कि मानिसहरू उनको अघिल्ला फिल्महरूबारे जान्न चाहन्छन् । यदि तपाईंले हिन्दी सिनेमामा मसाला फिल्महरू मात्र पछ्याउनुहुन्छ भने, तपाईंलाई थाहा पाउँदा छक्क पर्नुहुनेछ कि एनिमलमा क्यारेक्टर आर्टिस्टको रूपमा सानो भूमिका गरेकी तृप्ती यसअघि चारवटा फिल्ममा नायिकाको भूमिकामा देखिइसकेकी छिन् ।

उनको करियर छ–सात वर्षको छ । उनी पहिलो पटक श्रीदेवीको अन्तिम फिल्म ‘मम’मा सानो भूमिकामा देखिएकी थिइन् । त्यसपछि उनी सन्नी देओल, बबी देओल र श्रेयस तलपदेको फिल्म ‘पोस्टर ब्वाईज’मा देखिएकी थिइन् । तर उनको करियरलाई ठूलो उकास भयो जब निर्देशक इम्तियाज अलीले उनको फिल्म लैला–मजनुनमा मुख्य भूमिका दिए । तर यी फिल्महरु फ्लप भए ।

यसपछि तृप्तीले ओटीटीमा रिलिज भएका दुई फिल्म बुलबुल (२०२०) र काला (२०२२) मा मुख्य भूमिका निभाइन् । दुवै फिल्ममा उनको कामको निकै प्रशंसा भयो तर बलिउडका मुख्यधारका फिल्मका दर्शकमाझ उनी परिचित हुन सकिनन् । तर अब एनिमलले एकै चोटि सबै कुरा परिवर्तन गर्यो । फिल्ममा रणबीर कपूरसँगको लभ मेकिंग सीनमा उनको नग्न उपस्थिति चर्चामा छ ।

तृप्तीको दृश्यको क्लिप सामाजिक सञ्जालमा भाइरल भएको छ । मानिसहरु सर्च इन्जिन र सोशल मिडियामा तृप्ती डिमरीलाई खोजिरहेका छन् ।