• ३१ जेष्ठ २०८१, बिहीबार
  •      Thu Jun 13 2024
  •   Unicode
Logo
Latest
★   हवाई उडानका लागि उड्डयन मौसम सेवा महत्वपूर्ण छ: मन्त्री बस्नेत ★   कोशी सरकार विरुद्धको रिट हेर्दाहेर्दैमा ★   कुमारीको मनोभावमा आधारित नाटक ‘अग्निच्क्षु’ मञ्चित ★   रूग्ण उद्योग पुनःसञ्चालनका लागि व्यवस्थित अध्ययन गरौँः प्रधानमन्त्री ★   विपद्लाई निमिट्यान्न गर्न सकिँदैन, न्युनिकरणका लागि सबै एक हुनुको विकल्प छैनः अध्यक्ष नेपाल ★   राष्ट्रपति पौडेलसँग महानिर्देशक हुंग्बोको शिष्टाचार भेट ★   जनप्रतिनिधि र पार्टीबीचको सम्बन्ध सुमधुर हुन आवश्यकः उपसभापति खड्का ★   अस्ट्रेलियाको भरमा इंग्ल्याण्ड टोली, अष्ट्रेलियाले उतार्ला कि पछार्ला ? ★   रूग्ण उद्योग पुन:सञ्चालनका लागि व्यवस्थित अध्ययन गरौँ: प्रधानमन्त्री ★   मन्त्रीपरिषद् पुनर्गठन गर्नेबारे मलाई जानकारी छैन, प्रधानमन्त्रीसँग सोधौँला: माधवकुमार नेपाल

संसदीय समितिद्वारा पोर्चुगलका लागि प्रस्तावित राजदुत नेपालको नाम अनुमोदन



काठमाडौँ । संसदीय सुनुवाई समितिले पोर्चुगलका लागि प्रश्तावित राजदुत सनिल नेपालको नाम अनुमोदन गरेको छ ।

समितिको शुक्रवार सिंहदरबारमा बसेको बैठकले प्रश्तावित राजदुत नेपालको योग्यता, क्षमता, अनुभव र कार्ययोजनामाथि छलफल गरी उहाँको नाम सर्वसम्मतिले अनुमोदन गरेको हो । योग्यता, क्षमता र अनुभवसहितको कार्ययोजनामाथि छलफल गरी प्रश्तावित राजदुत नेपालको नाम बैठकले अनुमोदन गर्ने निर्णय गरेको समितिका सभापति (ज्येष्ठ सदस्य सभापति) पशुपति समशेर जबराले जानकारी दिनुभयो । गत कार्तिक २३ गते बसेको मन्त्रीपरिषद् बैठकले नेपाललाई पोर्चुगलका लागि प्रश्तावित राजदुतमा सिफारिस गर्ने निर्णय गरेको थियो ।

सभापति राणाले भन्नुभयो, ‘श्री सनिल नेपाललाई समिति समक्ष उपस्थित भई संसदीय सुनुवाई समितिको कार्यविधि २०८० को दफा १९ अनुसार आफ्नो योग्यता, अनुभव, अभिरुचि तथा उक्त पदको जिम्मेवारी निर्वाह गर्ने सन्दर्भमा आफ्नो अवधारणा र कार्ययोजनालगायतका विषयमा प्रश्तुत गर्नु भएकोमा समितिको तर्फबाट धन्यवाद दिँदै यस समितिबाट बिदा गर्न चाहन्छु ।

नेपाल सरकार मन्त्रीपरिषद् मिति २०८० साल कात्तिक २३ गतेको निर्णयअनुसार श्री सनिल नेपाललाई पोर्चुगलको लागि राजदुत पदमा नियुक्तिको लागि सिफारिस गरी मिति २०८० साल मंसिर ४ गते समितिमा पत्र प्राप्त भएको थियो । संसदीय सुनुवाई समितिको मिति २०८० साल मंसिर ८ गतेको बैठकले उजुरी माग गर्ने निर्णय गरेको थियो । उक्त अवधिमा निज उपर एक वटा उजुरी परेको थियो । आजको समितिको बैठकले श्री सनिल नेपालको सम्बन्धमा प्रस्तावित व्यक्तिको योग्यता, क्षमता र अनुभव समेतको आधारमा संघीय संसदको संयुक्त बैठक र संयुक्त समितिको कार्य संचालन नियमावली २०८० को नियम २६ को उपनियम ५ बमोजिम प्रस्तावित व्यक्तिलाई पोर्चुगलको राजदुतमा नियुक्तका लागि अनुमोदन गर्ने निर्णय भयो ।’

यसअघि बैठकमा प्रश्तावित राजदुत नेपालले आफ्नो कार्ययोजना प्रश्तुत गर्दै राजदुतावासको स्थापना र सेवा प्रवाहको कामलाई पहिलो प्राथमिकतामा राख्ने बताउनु भयो । उहाँले पोर्चुगलमा रहेका नेपालीहरुको समस्यालाई तत्काल सम्बोधन गर्ने र सहजीकरण गर्ने काममा पनि आफू केन्द्रित हुने बताउनु भयो ।

प्रश्तावित राजदुत नेपालले भन्नुभयो, ‘पोर्चुगलमा राजदुतावास स्थापना तथा सेवा प्रवाह मेरो पहिलो कार्ययोजना हो । पोर्चुगलमा पहिलो पटक आवासी राजदुतावास खुलेको हुँदा स्वभाविक रुपमा त्यहाँको राजदुतावास स्थापना, संचालन र कर्मचारी व्यवस्थापन मेरो पहिलो प्राथमिकतामा रहनेछ । कुटनीतिक नियोगको सुरक्षा र मर्यादालाई ध्यानमा राखी पोर्चगल सरकारद्वारा तोकिएको क्षेत्रमा आवासीय दुतावास स्थापना गर्ने, दुतावासबाट हुने राहदानी, भिसा, कन्सुलर लगायतका सेवालाई सेवाग्राहीमैत्री, सरल, सहज र पारदर्शी ढंगले सेवा प्रवाह गर्नेछु । त्यहाँ रहेका नेपालीहरुको समस्यालाई यथासम्भव सम्बोधन र सहजीकरण गर्ने मेरो काम हुनेछ ।’

सरकारले पहिलो पटक पोर्चुगलमा आवासीय राजदुतावास खोल्ने निर्णय गरेको हो ।