काठमाडौं । नेकपा (एकीकृत समाजवादी)का नेता राजेन्द्र पाण्डेले एनसेल सेयर स्वामित्व बिक्री एक नाटक मात्र भएको प्रतिक्रिया दिएका छन् ।
शुक्रबार प्रतिनिधिसभाको राज्य व्यवस्था तथा सुशासन समितिको बैठकमा बोल्दै उनले यस्तो टिप्पणी गरेका हुन् ।
उनले भने ‘यो बिक्री हो जस्तो लाग्दैन, बिक्रीको नाटक मात्र हो । पहिले नै श्रीमतीको नाममा २० प्रतिशत थियो, श्रीमानको नाममा अर्को कम्पनी खडा गरेर ८० प्रतिशत आयो यस्ता खालको काम भएका छन्, यो नाटक हो, यसमा ध्यान पुर्याउन जरुरी छ ।’
पूर्वमुख्यमन्त्री पाण्डेले एनसेलको विषय गम्भीर र भयावह भएको भन्दै यसबारे ध्यान दिनुपर्ने बताए ।
