विराटनगर । विराटनगर सातघुम्तीस्थित कवाडी गोदाममा बुधबार लागेको आगलागीबाट मृत्यु हुनेको संख्या तीन पुगेको छ ।
बुधबार विराटनगर–७ का ३२ वर्षीय दीपक मण्डल र विराटनगर ६ कै ५५ वर्षीया सुशीला पासवनको मृत्यु भएको थियो । गम्भिर घाईते भएका मण्डलको न्युरो अस्पतालमा उपचारको क्रममा निधन भएको थियो भने पासवन घटनास्थलमै मृत फेला परेकी थिईन् ।
आज बिहान काठमाडौँको किर्तिपुरस्थित बर्न अस्पतालमा विराटनगर ६ की सुनिता कामतको उपचारको क्रममा मृत्यु भएको छ ।
उक्त घटनामा परी अन्य तीन जना घाइते भएका छन् । उनीहरुको काठमाडौँमा उपचार भइरहेको छ ।
