मोरङ । विराटनगरस्थित सातघुम्तीमा रहेको एक कवाडी गोदाममा आगलागीमा परी मृत्यु हुनेको संख्या दुई पुगेको छ ।
आगो नियन्त्रणको क्रममा पुरिएको अवस्थामा एक जनाको शव फेला परेको मोरङ प्रहरीका प्रवक्ता डिएसपी रन्जनकुमार दाहालले जानकारी दिए । शव नचिनिने अवस्थामा रहेको छ ।
यसअघि आगलागीमा परी गम्भीर घाईते भएका विराटनगर ७ का ३० वर्षीय दिपक मण्डलको उपचारको क्रममा न्युरो अस्पतालमा निधन भएको थियो ।
आगलागीमा गम्भीर घाईते भएका अन्य तीन जनाको पनि न्युरो अस्पतालमा उपचार भईरहेको प्रहरीले बताएको छ । उनीहरुको ८० प्रतिशतभन्दा धेरै शरिर जलेको छ ।
अहिले आगो भने नियन्त्रण भइसकेको छ । आगलागिको कारण भने खुलेको छैन ।
