मोरङ । विराटनगरस्थित सातघुम्तीमा रहेको एक कवाडी गोदाममा आगलागी हुँदा एक जनाको मृत्यु भएको छ ।
आज दिउँसो भएको आगलागीमा परी गम्भीर घाईते भएका विराटनगर ७ का ३० वर्षीय दिपक मण्डलको उपचारको क्रममा निधन भएको हो ।
आगलागीमा गम्भीर घाईते भएका अन्य तीन जनाको विराटनगरस्थित न्युरो अस्पतालमा उपचार भईरहेको मोरङ प्रहरीका प्रवक्ता डिएसपी रन्जनकुमार दाहालले जानकारी दिए । उनीहरुको ८० प्रतिशतभन्दा धेरै शरिर जलेको प्रहरीले जनएको छ ।
विराटनगर महानगरपालिका, दुहबी, सुन्दरहरैचना नगरपालिकाको दमकल स्थानीय र प्रहरीको सहयोगमा आगलागी नियन्त्रणको प्रयास भइरहेको प्रहरीले जनाएको छ ।
