• ७ असार २०८१, शुक्रबार
  •      Fri Jun 21 2024
  •   Unicode
Logo
Latest
★   दीपेन्द्रसिंह ऐरीलाई यूएईको आईएल टी–२० लिग खेल्न गल्फ जायन्ट्सले गर्यो रिटेन ★   टी–२० विश्वकपको सुपर ८ मा दुई आयोजक भिड्दै, दुबैलाई जित्नैपर्ने दबाब ★   रूसी नेता पुटिन थप शक्तिशाली कि कमजोर ? ★   सिमेन्ट उद्योगका जटिलता हटाउन सकारात्मक छौँ: उद्योगमन्त्री भण्डारी ★   नेपाली काँग्रेस संसदीय दलको बैठक जारी ★   प्याट कमिन्सअघि यी ६ बलरले टी–२० विश्वकपमा ह्याट्रिक लिएका थिए ★   सिमेन्ट उद्योगलाई उद्योगस्थलकै तौल पुल प्रयोग गरी उत्खनित खनिजको परिणाम मापनका लागि ६ महिना म्याद… ★   रास्वपाको चियापान कार्यक्रममा शीर्ष नेताहरु– तस्बिरहरु ★   कर्नाटक प्रहरीको खुलासाः प्रमाण नष्ट गर्नका लागि दर्शनले साथीसँग ४० लाख रुपैयाँ लिए ★   ग्लोबल आइएमई बैंकका ग्राहकलाई आरुष लाइफस्टाइल हस्पिटलमा ३० प्रतिशतसम्म छुट

आईपीएल २०२४ को अक्सनमा भारतका यी पाँच क्याप्ड खेलाडीहरू ‘अनसोल्ड’ हुनसक्ने



एजेन्सी । आईपीएल २०२४ को मिनी अक्सन डिसेम्बर १९ मा दुबईमा हुने भएको छ । यसपटकको लिलामी निकै रोमाञ्चक हुने भएको छ । मिचेल स्टार्क, ट्राभिस हेड, रचिन रविन्द्र जस्ता ठूला खेलाडीले आफ्नो नाम लिलामीमा पठाएका छन् ।

विदेशी नामसँगै धेरै भारतीय खेलाडी पनि टोलीको निशानामा हुनेछन् । तर, केही भारतीय खेलाडी भने यस लिलामीमा बिक्री नहुन सक्छन् । त्यस्ता पाँच खेलाडीको बारेमा यहाँ चर्चा गरौं ।

१. करुण नायर


आईपीएलमा करुण नायरको प्रदर्शन खासै उल्लेखनीय रहेन । गत सिजन पनि करुणले खरिदकर्ता पाउन सकेनन् । सन् २०२२ मा करुणले कुल ३ खेल खेलेका थिए र आफ्नो ब्याटबाट १६ रन मात्र बनाएका थिए । यही कारणले गर्दा आईपीएल २०२४ को मिनी लिलामीमा करुण बिक्री नहुन सक्छन् ।

२. हनुमा विहारी


विहारीले आईपीएलमा अहिलेसम्म २४ खेल मात्र खेलेका छन् र यो अवधिमा उनले आफ्नो ब्याटबाट २८४ रन मात्र बनाएका छन् । भारतीय ब्याट्सम्यानले सन् २०१९ को इन्डियन प्रिमियर लिगमा आफ्नो अन्तिम खेल खेलेका थिए । यसपटक पनि विहारीमा कुनै पनि टोलीले सट्टेबाजी नगरेको देख्न सकिन्छ ।

३. वरुण आरोन


वरुण आरोनले आईपीएलमा आफ्नो करियर धमाकेदारका साथ सुरु गरे तर पछिल्ला केही वर्षमा यी भारतीय बलरको नाम हराएको छ । वरुणले आफ्नो अन्तिम खेल सन् २०२२ मा खेलेका थिए । गत सिजन कुनै पनि टोलीले वरुणमाथि विश्वास देखाएको थिएन । यही कारणले गर्दा यसपटक पनि उनको बिक्री हुने सम्भावना न्यून देखिन्छ ।

४. जयदेव उनाडकट


जयदेव उनाडकटले गत सिजन लखनउ सुपर जायन्ट्सबाट खेलेका थिए । तर, उनको प्रदर्शन अपेक्षाअनुरुप भएन र उनले तीन खेलमा एक विकेट पनि लिन सकेनन् । सन् २०२२ मा पनि जयदेवले ५ खेल मात्रै खेल्ने मौका पाए । आईपीएलमा जयदेवको खस्कँदै गएको फर्मलाई ध्यानमा राख्दै यसपटक टोलीले उनीमा पैसा लगानी गर्नबाट जोगिन सक्छन् ।

५. धवल कुलकर्णी


धवल कुलकर्णी पनि त्यो सूचीमा परेका छन्, जसको आईपीएल २०२४ को मिनी लिलामीमा खरिदकर्ता खोज्ने सम्भावना कम छ । धवलले सन् २०२० को इन्डियन प्रिमियर लिगमा आफ्नो अन्तिम खेल खेलेका थिए । त्यसयता कुनै पनि टोलीले उनीमाथि विश्वास देखाएको छैन ।