ललितपुर: सैंबु ब्याडमिन्टन सर्कलको आयोजना तथा ललितपुर महानगरपालिका वडा नं. १८ को सहयोगमा ललितपुर महानगरपालिका वडा नं. १८ को मगरगाउँमा जारी दोस्रो सैंबु खुला ब्याडमिन्टन प्रतियोगिता अन्तरगतका खेलहरू जारी छन् ।
ललितपुर जिल्ला ब्याडमिन्टन संघको प्राविधिक सहयोगमा भइरहेको यस प्रतियोगिता अन्तर्गत मंगलबार चार खेल सम्पन्न भएका छन् ।
पहिलो खेलमा सुरज बास्कोटा र अशोक खातीको जोडी विजयी भएको छ । उनीहरुले राजाराम थापा र रामबहादुर कार्कीलाई २१–१६ र २१–८ को सोझो सेटले पराजित गरेका थिए ।
यस्तै दोस्रो खेलमा अनिल थापा र प्रकाश बहादुर जोशीले कवि तुलाधर र विनेश महर्जनलाई २१–१६ र २१–१९ ले पराजित गरे । यसैगरी, उत्तम सत्याल र भीम थापाको जोडीले राजेश थापा मगर र पुरुषोत्तम थापाको जोडीलाई प्रतिस्पर्धात्मक खेलमा २१–१४, २१–१६ र १६–२१ ले पराजित गरेका थिए ।
आजको चौथो खेलमा भने श्याम ठकुरी र ओमकार गुरुङको जोडी विजयी भएर अर्को चरणमा प्रवेश गरे । उनीहरुले कमल तामाङ र भुवन रायमाझीलाई २१–१७ र २१–१३ को स्कोरमा हराएका थिए ।
नकआउट चरणका खेलहरु बुधबार सम्पन्न हुनेछन् भने बिहीबार क्वार्टरफानल खेलहरु हुने आयोजक सैंबु ब्याडमिन्टन सर्कलका अध्यक्ष शंकर थापा मगरले जानकारी दिनुभयो ।
यस प्रतियोगिताको फाइनल खेल यही मंसिर २३ गते हुनेछ ।
