• ३१ जेष्ठ २०८१, बिहीबार
  •      Thu Jun 13 2024
  •   Unicode
Logo
Latest
★   हवाई उडानका लागि उड्डयन मौसम सेवा महत्वपूर्ण छ: मन्त्री बस्नेत ★   कोशी सरकार विरुद्धको रिट हेर्दाहेर्दैमा ★   कुमारीको मनोभावमा आधारित नाटक ‘अग्निच्क्षु’ मञ्चित ★   रूग्ण उद्योग पुनःसञ्चालनका लागि व्यवस्थित अध्ययन गरौँः प्रधानमन्त्री ★   विपद्लाई निमिट्यान्न गर्न सकिँदैन, न्युनिकरणका लागि सबै एक हुनुको विकल्प छैनः अध्यक्ष नेपाल ★   राष्ट्रपति पौडेलसँग महानिर्देशक हुंग्बोको शिष्टाचार भेट ★   जनप्रतिनिधि र पार्टीबीचको सम्बन्ध सुमधुर हुन आवश्यकः उपसभापति खड्का ★   अस्ट्रेलियाको भरमा इंग्ल्याण्ड टोली, अष्ट्रेलियाले उतार्ला कि पछार्ला ? ★   रूग्ण उद्योग पुन:सञ्चालनका लागि व्यवस्थित अध्ययन गरौँ: प्रधानमन्त्री ★   मन्त्रीपरिषद् पुनर्गठन गर्नेबारे मलाई जानकारी छैन, प्रधानमन्त्रीसँग सोधौँला: माधवकुमार नेपाल

बागलुङ–रुकुम सिमाना पातिहाल्नेमा भारी हिमपात, संकल्प यात्रा प्रभावित हुँदैनः एमाले बागलुङ



काठमाडौँ । नेकपा एमालेका अध्यक्ष केपी शर्मा ओली सहित १ सय ५० भन्दा बढी केन्द्रीय नेता सहितको टोली मङ्सिर २० गते विहान बागलुङ र रुकुमको सिमाना पातीहाल्ने आइपुग्ने कार्यक्रम रहेको छ ।

‘सम्बन्ध स्थानीय सन्देश राष्ट्रिय’ भन्ने मुल नाराका साथ बैतडीको झुलाघाटदेखि यात्रासुरु गरेको टोलिलाई स्वागत सहितको व्यवस्थापनको लागि नेकपा एमाले बागलुङले तयारी तीव्र बनाएको छ ।

लुम्बिनी प्रदेश र गण्डकी प्रदेशको सिमानामा पर्ने बागलुङको निसीखोला स्थित पातिहाल्नेमा यतिबेला स्वागत गेट बनाउँने काम चलिरहेको छ । तर, सोमबार विहानदेखि यस क्षेत्रमा हिमपात सुरु भएको छ ।

समुन्द्र सतहदेखी ३ हजार मिटरको उचाइमा रहेको पातिहाल्नेमा हिमापतसँगै बढीरहेको चिसोका कारण यो स्थानमा स्वागत गर्ने कार्यक्रम प्रभावित हुन सक्ने नेकपा एमाले बागलुङका सचिव विष्णु भुषालले बताउनुभयो ।

मंगलबार बिहानसम्म हिमपात रोकिए र मौसम खुलेमा बुधबार पातीहाल्नेमै स्वागत गर्ने, हिमापत नरोकिए जेसिभीको सहायताले बाटो पन्छ्याएर निसीखोलाको झिवाखोलामा स्वागत गर्ने तयारी गरिएको सचिव भुषालले जानकारी दिनुभयो ।

वर्षा र हिमपातले कार्यक्रमका स्थान परिवर्तन भएपनि कार्यक्रम प्रभावित नहुँने र व्यवस्थापनमा बागलुङ जिल्लाले कुनैपनि कमजोरी नगर्ने पार्टी अध्यक्ष हिरा केसीको भनाई छ ।

अहिलेसम्म मंसिर २० गते विहान रुकुम र बागलुङ जिल्लाको सिमाना पातिहाल्नेमा स्वागत, सोहीदिन निसीखोलाको झिवाखोलामा भेटघाट, बुर्तिवाङमा स्वागत सहित भेटघाट, बडिगाड गाउँपालिकामा स्वागत, वामी टक्सारमा स्वागत गरि सोही साँझ गलकोटमा स्वागत गरि त्यही बस्ने व्यवस्था मिलाईएको जिल्ला अध्यक्ष केसीले बताउनु भयो । मौसमको प्रतिकुलता रहे पातिहाल्नेको कार्यक्रम बाहेक अन्य कार्यक्रम यथावत रहने उहाँको भनाई छ ।

२१ गते गलकोटबाट बागलुङ बजार प्रस्थान गर्दा घोडाबाधेमा स्वागत, बागलुङ बजारको लोकतान्त्रीक चोकमा सभा, कालिका मन्दिरको दर्शन र मालढुङ्गा बागलुङ जिल्लाबाट विदाई गर्ने कार्यक्रम रहेको छ ।