• ११ असार २०८१, मंगलवार
  •      Tue Jun 25 2024
  •   Unicode
Logo
Latest
★   चन्द्रमाको सतहबाट नमूना लिएर पृथ्वीमा फर्कियो चीनको यान ★   नेपालमा अष्ट्रेलियन लगानी ल्याउन पहल गर्छु: वाणिज्यदूत शर्मा ★   झलनाथ खनाल स्वास्थ्य विज्ञान प्रतिष्ठानका पदाधिकारी बिरुद्धको मुद्दा: सचिव र मेयरलाई सफाई ,अरु दोषी ठहर ★   ‘इट्स माइ शो’को विषयबारे अनमोलले के भने ? ★   अन्तर्राष्ट्रिय ‘मैथिली फिल्म फेस्टिभल’ सुरु ★   समाजवादी आन्दोलनको नयाँ प्रवाह शुरु भएको छः झलनाथ खनाल ★   गलत प्रवृत्तिका विरुद्धमा नयाँ सांस्कृतिक जागरण पैदा गर्न आवश्यकः अध्यक्ष नेपाल ★   महाकालीको कटान रोक्न कुतियाकबरमा जैविक तटबन्ध ★   आन्तरिक वा बाह्य ऋण उत्पादनमूलक क्षेत्रमा खर्च गर्छौँ: अर्थमन्त्री पुन ★   करेन्ट लागेकालाई बचाउन खोज्नेको मृत्यु, अर्का घाइते

पाकिस्तानका अन्तर्राष्ट्रिय खेलाडी घाइते हुँदा स्ट्रेचर नभएपछि बोकेर लगियो (भिडियोसहित)



एजेन्सी । पाकिस्तान क्रिकेट सधैं कुनै न कुनै कारणले चर्चामा रहने गर्छ । कहिले मैदानमा बत्ती नहुँदा त कहिले खेलाडीले उपचार नपाएका कारण पाकिस्तान क्रिकेट बोर्ड (पीसीबी)को चर्को अपमान हुन्छ ।

हालै सामाजिक सञ्जालमा एउटा भिडियो भाइरल भइरहेको छ, जसमा पाकिस्तानका स्टार अलराउन्डर शादाब खान नेशनल टी–२० कपको खेलमा घाइते भएका थिए, त्यसपछि उनलाई मैदानबाट बाहिर लैजान स्ट्रेचर उपलब्ध थिएन ।

शादाबलाई साथी खेलाडीले पिठ्युँमा उठाएर मैदानबाट बाहिर निकालेका थिए । यस्तो अवस्थामा पीसीबी प्रणालीको फेरि एकपटक मजाक भएको छ ।

आइतवार कराँचीमा सिलाकोट र रावलपिंडीबीच राष्ट्रिय टी–२० कपको खेल खेलिएको थियो, जसमा रावलपिंडीका कप्तान शादाब खान फिल्डिङ गर्ने क्रममा घाइते भएका थिए । शादाब खानलाई हिँड्न गाह्रो भइरहेको थियो ।

यस्तो अवस्थामा मैदानमा स्ट्रेचर बोलाइयो तर स्टेडियममा स्ट्रेचर उपलब्ध थिएन । यसपछि साथी खेलाडीले शादाबलाई पिठ्युँमा बोकेर मैदान बाहिर लगे । यसको भिडियो सामाजिक सञ्जालमा तीव्र गतिमा भाइरल भइरहेको छ, जसमा पीसीबीको खिल्ली उडाइएको छ ।