एजेन्सी । पाकिस्तान क्रिकेट सधैं कुनै न कुनै कारणले चर्चामा रहने गर्छ । कहिले मैदानमा बत्ती नहुँदा त कहिले खेलाडीले उपचार नपाएका कारण पाकिस्तान क्रिकेट बोर्ड (पीसीबी)को चर्को अपमान हुन्छ ।
हालै सामाजिक सञ्जालमा एउटा भिडियो भाइरल भइरहेको छ, जसमा पाकिस्तानका स्टार अलराउन्डर शादाब खान नेशनल टी–२० कपको खेलमा घाइते भएका थिए, त्यसपछि उनलाई मैदानबाट बाहिर लैजान स्ट्रेचर उपलब्ध थिएन ।
शादाबलाई साथी खेलाडीले पिठ्युँमा उठाएर मैदानबाट बाहिर निकालेका थिए । यस्तो अवस्थामा पीसीबी प्रणालीको फेरि एकपटक मजाक भएको छ ।
आइतवार कराँचीमा सिलाकोट र रावलपिंडीबीच राष्ट्रिय टी–२० कपको खेल खेलिएको थियो, जसमा रावलपिंडीका कप्तान शादाब खान फिल्डिङ गर्ने क्रममा घाइते भएका थिए । शादाब खानलाई हिँड्न गाह्रो भइरहेको थियो ।
यस्तो अवस्थामा मैदानमा स्ट्रेचर बोलाइयो तर स्टेडियममा स्ट्रेचर उपलब्ध थिएन । यसपछि साथी खेलाडीले शादाबलाई पिठ्युँमा बोकेर मैदान बाहिर लगे । यसको भिडियो सामाजिक सञ्जालमा तीव्र गतिमा भाइरल भइरहेको छ, जसमा पीसीबीको खिल्ली उडाइएको छ ।
hadab Khan Injured during the National T20
No stretcher available at the ground pic.twitter.com/omPrQJjkzG
— ٰImran Siddique (@imransiddique89) December 3, 2023
