• ११ असार २०८१, मंगलवार
  •      Tue Jun 25 2024
  •   Unicode
Logo
Latest
★   चन्द्रमाको सतहबाट नमूना लिएर पृथ्वीमा फर्कियो चीनको यान ★   नेपालमा अष्ट्रेलियन लगानी ल्याउन पहल गर्छु: वाणिज्यदूत शर्मा ★   झलनाथ खनाल स्वास्थ्य विज्ञान प्रतिष्ठानका पदाधिकारी बिरुद्धको मुद्दा: सचिव र मेयरलाई सफाई ,अरु दोषी ठहर ★   ‘इट्स माइ शो’को विषयबारे अनमोलले के भने ? ★   अन्तर्राष्ट्रिय ‘मैथिली फिल्म फेस्टिभल’ सुरु ★   समाजवादी आन्दोलनको नयाँ प्रवाह शुरु भएको छः झलनाथ खनाल ★   गलत प्रवृत्तिका विरुद्धमा नयाँ सांस्कृतिक जागरण पैदा गर्न आवश्यकः अध्यक्ष नेपाल ★   महाकालीको कटान रोक्न कुतियाकबरमा जैविक तटबन्ध ★   आन्तरिक वा बाह्य ऋण उत्पादनमूलक क्षेत्रमा खर्च गर्छौँ: अर्थमन्त्री पुन ★   करेन्ट लागेकालाई बचाउन खोज्नेको मृत्यु, अर्का घाइते

पहिलोपटक विदेशी खेलाडीसहित टेबल टेनिसको लिग प्रतियोगिता हुँदै



काठमाडौँ । नेपालमा पहिलो पटक विदेशी खेलाडी सम्मिलित टेबल टेनिसको सर्वाधिक धनराशिको नगद पुरस्कारसहित प्रतियोगिता हुने भएको छ ।

राष्ट्रिय टेबल टेनिस च्याम्पियन नविता श्रेष्ठद्वारा सञ्चालित च्याम्पियन्स टेबल टेनिस एकेडेमी प्रा.लि.को आयोजनामा सो प्रतियोगिता हुन लागेको हो । आगामी मंसिर १९ गतेदेखि २३ गतेसम्म स्ट्याग ग्लोवल च्याम्पियन्स लिग २०२३ को हुँदैछ । सो प्रतियोगिताका खेलहरू लैनचौस्थित राष्ट्रिय टेबल टेनिस प्रशिक्षण केन्द्र हुनेछ । पाँच दिनसम्म सञ्चालन हुने प्रतियोगितामा तीन विभागीयसहित ९ टोलीका खेलाडी प्रतिष्पर्धा गर्ने तय भएको छ ।

तीमध्ये पाँच टोलीले भने विदेशी खेलाडी समावेश गरेको आयोजक च्याम्पियन्स टेबल टेनिस एकेडेमी प्रालिकी प्रवन्ध निर्देशक नविता श्रेष्ठले जानकारी दिइन् । प्रतियोगितामा पाँच टोलीले समान एक पुरुष र महिला विदेश खेलाडी राख्न पाउनेछन् । प्रतियोेगिताको विजेताले दुई लाख रुपैयाँसहित रनिङ शिल्ड पाउनेछ । उपविजेताले एक लाख र तेस्रो हुने टोली (सेमिफाइनलिस्ट) ले समान ५० हजार रुपैयाँ नगद पुरस्कार र ट्रफी पाउनेछन् । यो नेपालको टेबल टेनिसमा अहिलेसम्मकै सर्वाधिक धनराशिको प्रतियोगिता पनि रहेको आयोजकको दाबी छ ।

प्रतियोगितामा सशस्त्र प्रहरी बल, नेपाल प्रहरी, नेपाली सेना, एभिएम टेबलटेनिस क्लव, कान्तिपुर भ्याली पिङपङ क्लव, नगाउँ स्पोटर््स क्लव, गड स्पिन टेबलटेनिस एकेडेमी, ज्ञानभैरव डिल्लीबजार टेबल टेनिस क्लव र आयोजक स्ट्याग च्याम्पियन्स टेबल टेनिस एकेडेमी गरी कुल ९ वटा टोलीका खेलाडीले प्रतिष्पर्धा गर्ने भएका छन् । प्रतियोगिताका लागि अनुमानित १९ लाख रुपैयाँ खर्च हुनसक्ने आयोजकको अनुमान छ ।