• ११ असार २०८१, मंगलवार
  •      Tue Jun 25 2024
  •   Unicode
Logo
Latest
★   चन्द्रमाको सतहबाट नमूना लिएर पृथ्वीमा फर्कियो चीनको यान ★   नेपालमा अष्ट्रेलियन लगानी ल्याउन पहल गर्छु: वाणिज्यदूत शर्मा ★   झलनाथ खनाल स्वास्थ्य विज्ञान प्रतिष्ठानका पदाधिकारी बिरुद्धको मुद्दा: सचिव र मेयरलाई सफाई ,अरु दोषी ठहर ★   ‘इट्स माइ शो’को विषयबारे अनमोलले के भने ? ★   अन्तर्राष्ट्रिय ‘मैथिली फिल्म फेस्टिभल’ सुरु ★   समाजवादी आन्दोलनको नयाँ प्रवाह शुरु भएको छः झलनाथ खनाल ★   गलत प्रवृत्तिका विरुद्धमा नयाँ सांस्कृतिक जागरण पैदा गर्न आवश्यकः अध्यक्ष नेपाल ★   महाकालीको कटान रोक्न कुतियाकबरमा जैविक तटबन्ध ★   आन्तरिक वा बाह्य ऋण उत्पादनमूलक क्षेत्रमा खर्च गर्छौँ: अर्थमन्त्री पुन ★   करेन्ट लागेकालाई बचाउन खोज्नेको मृत्यु, अर्का घाइते

प्रधानमन्त्री दाहाललाई दिपकको पत्र: चरम पुँजीवाद तिर उन्मुख हुँदै गरेको यहाँको यात्रा सफल होस



बधाई छ प्रधानमन्त्री पुष्पकमल दाहालज्यू लाई नातिनीको इंगेजमेंट भव्यताका साथ सम्पन्न गर्नु भएकोमा।धन्यवाद छ यहाँलाई ३ कठ्ठा जग्गा र ३ तोला सुन सम्पत्ति भएका सबै नेपालीहरूलाई तपाईँको नातिनीको जस्तै इंगेजमेंट हुने सपना देखाउनु भएकोमा।

तपाईँको नातिनीको जस्तै सबै नेपालीले पाँच तारे होटेलमा इंगेजमेंट गर्न सक्ने अर्थतन्त्रको निर्माण गर्नु हुने छ भन्ने कुरामा म आशावादी छु।

आशा छ तपाईँको पालामा श्रीमानको कमाइले नयाँ फरिया, चोली र सिन्दूर लगाएर माइत जाने आशामा बसेकी श्रीमतीको सिन्दूर पुछिने छैन।

छोराले कमाएको पैसाले एउटा बुलाकी लगाएर राम्री बुहारी भित्राउँदा आँगनमा धुलो उडाउँदै रत्यौली खेलुँला भन्ने आमाहरू छोराको लास हेरेर कुनामा भक्कानो छोडी रुन पर्ने छैन।छोराले पैसा कमाएर ल्याएपछि फाटेको इस्टकोटको सट्टा नयाँ कोट लगाएर कान्छो छोराको बिहे धूमधामसँग गर्ने रहर पूरा नहुँदै कैयौँ बुढा बा छोराको मलामी जानु पर्ने छैन।

दाइले जुत्ता ल्याएपछि चप्पल लगाउनुपर्दैन भन्ने आशामा बसेको भाइ, तिहारमा टीका लगाएर उपहारको प्रतीक्षामा बसेकी बहिनी, साथी फर्केर आएपछि घुम्न जाने आशामा बसेका बाल सखाहरूको सपना अकस्मात् चकनाचुर हुने छैन, नेपालीहरू विदेशबाट बाकसभरि उपहारको सट्टा बाकसभित्र रहेको आफन्तको लास लिन एयरपोर्ट जान बाध्य हुने छैनन्।

अन्तमा समाजवादबाट चरम पुँजीवाद तिर उन्मुख हुँदै गरेको यहाँको यात्रा सफल होस भन्ने शुभकामना टक्र्याउन चाहन्छु।

जोशी नेपाली काङ्ग्रेस स्वतन्त्र अभियान जोशी समूहमा आवद्ध हुनहुन्छ।