ललितपुर: सैंबु ब्याडमिन्टन सर्कलको आयोजना तथा ललितपुर महानगरपालिका वडा नं. १८ को सहयोगमा शनिबारदेखि ललितपुर महानगरपालिका वडा नं. १८ को मगरगाउँमा सुरू भएको दोस्रो सैंबु खुला ब्याडमिन्टन प्रतियोगिताका खेलहरू आज पनि जारी रहेका छन् ।
आजको पहिलो खेलमा राजाराम थापा र राम बहादुर कार्कीको जोडीले डा गोपी अर्याल र ओम बहादुर खड्काको जोडीलाई २१-१७, २३-२१ तथा २०-२२ को अन्तरले पराजित गरेको थियो ।
यसैगरी, अनिल थापा र प्रकाश बहादुर केसीको जोडीले धिरज थापा र अर्जुन शाहीको जोडीलाइ २३-२१ र २१-१६ को सोझो सेटमा पराजित गरेको थियो । त्यस्तै, तेस्रो खेलमा राजेश थापा मगर र पुरूषोत्तम थापाको जोडीले मधुसुदन थापा र शैलेन्द्र थापाको जोडीलाई २१-१३ र २१-१५ ले पराजित गरेको सर्कलले जनाएको छ ।
यस्तै अर्को खेलमा श्याम ठकुरी र ओमकार गुरूङको जोडीले कृष्ण सिलवाल र विष्णु ठकुरीको जोडीलाई २१-१६ र २१-७ को सोझो सेटमा हराएको थियो ।
यो प्रतियोगिता यही मंसिर २३ गतेसम्म संचालन हुनेछ । खेल नकआउटका आधारमा भइरहेको छ ।
उक्त प्रतियोगिताको उदघाटन ललितपुर महानगरपालिका वडा नं. १८ का वडा अध्यक्ष दामोदर खड्काले गर्नु भएको थियो ।
