एजेन्सी । भारतीय टोलीका ओपनर रुतुराज गायकवाडले शुक्रबार अष्ट्रेलियाविरुद्ध रायपुरमा भएको चौथो टी–२० अन्तर्राष्ट्रिय खेलमा ठूलो उपलब्धि हासिल गरेका छन् । गायकवाडले चौथो टी–२० मा ३ चौका र एक छक्काको मद्दतमा २८ बलमा ३२ रन बनाए ।
योसँगै रुतुराज गायकवाड टी–२० क्रिकेटमा सबैभन्दा छिटो ४ हजार रन पूरा गर्ने ब्याट्सम्यान बनेका छन् । गायकवाड भन्दा पहिले यो कीर्तिमान केएल राहुलको नाममा थियो ।
गायकवाडले ११६ इनिङ्समा ४ हजार रन पुरा गरेका थिए भने राहुलले ११७ इनिङ्समा यो आँकडा पूरा गरेका थिए ।
वेस्ट इन्डिजका दिग्गज ब्याट्सम्यान क्रिस गेलले टी–२० क्रिकेटमा सबैभन्दा कम इनिङ्समा ४००० रन पूरा गर्ने कीर्तिमान बनाएका छन् । युनिभर्स बोस भनेर चिनिने गेलले मात्र १०७ इनिङ्समा ४ हजार रनको आँकडा पार गरेका थिए । गेलपछि अस्ट्रेलियाका पूर्व ब्याट्सम्यान शन मार्स (११३), पाकिस्तानका पूर्व कप्तान बाबर आजम (११५) र न्यूजिल्याण्डका ओपनर डेभन कोनवे (११६) को नाम आउँछ ।
